«Мекольце кизотнень экономическяй сотксне Мордовиять и Кыргыстантть ёткса пяк кемокстасть. Ётай кизонь итокнень коряс республикань экспортсь тинь страназонтт кассь 1,6-с, а импортсь – 4,1-с», - мярьгсь Артём Здунов, шумбракстомок коллегатнень.
Ульсь китькстаф, што Киргизияв эрязста кучсевихть фармацевтическяй продукциясь («Биохимик»), древесинась («Плайтерра»), кабельно-проводниковай продукциясь, алюминийсь («Мордоввторсырье»), сахарсь («Ромодановосахар»), саразонь и колбаснай продукциясь («Птицефабрика «Чамзинская»), саразонь сивольсь (ТД «Эко Халял»). Мордовияв импортировандови мзярошка металлонь вид.
Ули касомань точкатнень ёткса экспортть коряс – кувака переработкань степенень продукциянь поставкатне (грузовой ваготтне, контейнерхне и компаниянь вагононь валомась, кабельнай продукциясь, оптическяй волокнась, полупроводниковай продукциясь, а тяфта жа сувенирнай продукциясь лопафтф тумоста и халяльнай экологически ару ярхцамбялень паршихть).
Эряви китькстамс, што сотрудничествась мольфтеви и образовательнай и научнай сфераса – Н.П. Огаревонь лемса МГУ-са тонафнихть 20 Киргизиянь гражданин, университетть видеса тяфта жа ули комсь договор Киргизиянь научнай и образовательнай учреждениятнень мархта.
«Позитивнай динамикань виияфтозь лангонь мишендемаса, минь панжадтама сяда тесна взаимодействиянди, марстонь предприятиянь и производствань тиемати», - мярьгсь Мордовиянь Оцюнясь.
Васьфтемать пингста ульсь примаф решения Мордовиять участиянц колга бизнес-миссиияса Российско-киргизскяй деловой советть покодемаса.
Мордовия Республикань Оцюнять пресс-службац