Сяськихненди казьнятнень максозень Мордовия Республикань Правительствань Председателенц полафтыец Батыр Эмеев.
«Минь пара мяльса кенярттяма ся организациятнень инкса, конат аф аньцек молихть инголи и сатыхть оцю вешфкст, но и няфтьсазь эсьотям ёжеснон пара тевонь тиевомати – производственнай процесснень эзда сявомок клиенттнень мяльснон пяшкодевомас. Тя конкурссь арась ётафтовикс Роскачествать мялень путовоманц вяльде. Башка сюконяма ёран азомс Роскачествать вятиенц полафтыенцты Шанаева Ольга Олеговнати, кона примась и путсь мяль тя конкурсть ётпфтовомаса», - мярьгсь Батыр Эмеев.
Сяськихне категория коряс:
Промышленнай организациятне, коса покодихть 100 сявомок 250 молемс покоди:
- ООО «Завод ПромМетИзделий» - 1-це вастса;
- ООО «НИИИС им. А.Н. Лодыгина» - 2 -це вастса;
Промышленнай организациятне, коса покодихть 250 лама покоди:
- ООО «ВКМ-Сталь» - 1-це вастса ;
- ПАО «КЭМЗ» - 2-це вастса;
- АО «Биохимик» - 3-це вастса;
Сферань коряс услугань максы организациятне, коса покодихть 5 сявомок 100 молемс покоди:
- АУ «Технопарк-Мордовия» — 1-це вастса;
Сферань коряс услугань максы организациятне, коса покодихть 100 лама покоди:
- ГБУЗ РМ «Республиканская клиническая больница №5» - 1-це вастса;
- ФГБУ «Объединенная дирекция Мордовского государственного природного заповедника им. П. Г. Смидовича и национального парка «Смольный» - 2-це вастса.
«Мордовия Республикань Правительствань Премиясь качествань няфти областьса арась васенцекс регионца качествань виияфты институтокс. Премиясь касфты мяль бизнесть стандартонц кемокстамаса, регионца кемокстасы каракаршек молемать и регионца эряфть цебярьгофтоманц эса. Минь няйсаськ, кода системнай покодемась тя сфераса максы пяк цебярь вешфкст, и шнасаськ регионть путфксонц культурать качестванц кемокстамаса.
Роскачествась кода Российскяй Федерациянь Правительствать Премияса операторсь кирди мяльса тяфтама инициативатнень ётафтомаснон и панжада региоттнень мархта кирдемс марстонь соткст. Марстонь тевонь путовомаса минь кочкатама российскяй качествань коряс фкя система, коса инь цебярь практикатне арайхть прянь шнама вастокс и кепотьксокс марнек мастороньконди», - шарфтсь мяль эсь корхтамаса Роскачетвать вятиенц полафтыец Ольга Шанаева.
Конкурссь «За внедрение культуры качества производства, выполнения работ и оказания услуг» ётафтови Роскачествать лезксонц вяльде. Конкурсть ётафтовоманц коряс сявф Россиянь Правительствать премиянь качествань коряс максомац, конанди операторкс ащи Роскачествась. Сяда крхка информация правительственнай качествань коряс премиять колга муви – Роскачествать сайтса.
Казнясь «За внедрение культуры качества производства, выполнения работ и оказания услуг» арьсеф Мордовия Республикань Правительствать постановлениянц коряс 13-це декабрьста 2024 кизоня.
Конкурсса примай организациятненди максови питне кафта базовай критерия коряс:
1. Организациять касомац качествань коряс (подкритериятнень эса «Лидерство», «Политика и стратегия», «Персонал» и «Процессы, продукция и услуги»);
2. Организациять сатфксонза качествань областьса (подкритериятнень эса «Удовлетворенность потребителей качеством продукции и услуг», «Удовлетворенность персонала работой в организации» и «Влияние организации на общество»).