Шамбракстома валса Саранскяень и Мордовскяй Митрополитсь Зиновий азсь сюкпрянь валхт Мордовиянь Оцюняти центрань панжеманкса, а Н. П. Огарёвонь лемса МГУ-ти площадкань максоманкса. Корхтамаса сон лятфтазе церковно-государственнай партнерствать эрявиксшинц– Мордовияса тя сотнеф соглашенияса церкавть и инь кодама ведомстватнень мархта: «Тячиень событиясь пяк эрявикс - минь одукс мърдатама цебярь обуцятненди, духовностти и валтти, пяшкотькшнесаськ Президентоньконь установканц ванфтоманц и духовно-нравственнай ценносттнень касфтомаснон, синь максомаснон сай пингонь поколенияти.
Митрополитсь азозе, что Мордовиясь – фкя регионць, коса нолдави образовательнай «Диалоги» программась, конань лездозе патриархсь Кирилл. Тя программати сувасть 860 школат.
Артем Здунов китькстазе ётай мероприятиять эрявиксшинц. «Храмсь-сонь минь ваймосонк, минь обществасонк. Мезенди тейнек тя эряви? Моли война фкя родственнай нароттнень ёткова. Няйсаськ, што кодама бди 20-25 кизоста ломаттне явфтовихть. Тяфта жа варжамс сяземс верать, сяземс храмть фкя-фкянь эзда, священнослужительхнень, раднятнень. Тя лиси, кда аф арамс тянь каршес. Но минь ширесонк- святойхнень ликсна. Кажнайсь эздост тиендсь подвикт, конат илядсть минь мялямсонк», - китькстазе Артем Здунов. Сон азозе, што сембе геройхне мзярдя-бди ульсть простой школьникокс, но нинге од пингстост ульсть ялгань надияма вастокс, совесть мархта ломанькс.
Н.П. Огаревонь лемса МГУ-нь ректорсь Дмитрий Глушко азозе: «Цебярь, што духовнай и нравственнай кизефксне ушедыхть пачфневома од ломаттненди вузонь площадкаса. Тя пара вастсь цебярь тевонди!».
Начальнай классонь учительсь, саранскяень колмогемонь номеронь школаста, Татьяна Шелтукова азсь сюкпря, што эвондась тяфтама центра, коса иттненди тонафневи духовно - нравственнай воспитаниясь.
«Мон тонафнян васенце классонь шабатнень эса. И макссеса кизефксть: кода путомс синь виде кис, штоба аральхть цебярь гражданинокс эсь странасост, мулезь духовностть? Тяниень од ломаттнень синьцень мяльсна. А тя площадкаса минь ули возможностеньке корхтамс Россиять колга, ваномок святойхнень лангс, мяляфтомок синь подвигснон», –китькстазе педагогсь.
Чамзинкань №1 лицейса сявомок 2014-нь кизоста ётафневи творчествань фестиваль «Лики добра». Кемонь кизоста сон лиссь республиканскяй уровеньц, а тя кизоня сон лемтьф аралаень Отечествань Кизокс и Великай Победать 80-нь кизонцты.
«Кенярдян, што минь проектоньке актуальнай тя пингть и моли общероссийскяй повесткать мархта араламань духовно-нравстеннай ценностнень мархта. Эсь опытоньконь колга ушеттама азонкшнема республикань педагокненди инь кодама Духовно-просветительскяй центрань мероприятияса»,- азондозень эсь планонзон №1 лицеень историянь и обществознаниянь учительсь Галина Труханова.
Лицеень 8-це классонь тонафнись Валерия Казаева арась участникокс всероссийскяй акцияса «История России в Великих Святых партпроектса «Мир возможностей». Стирьнясь етафни просветительскяй урокт сверстниконзонды, пуроптсь рисункань конкурс, вяти исследовательскяй покодема великай русскяй подвижникнень и Родинань защитникнень колга. Эсь работанц сонь мялец вятемс Духовно-просветительскяй центрань площадкаса.
Оцю корабляти-оцю уема, а Духовно-просветительскяй центрань эрявикс тефненди – пара кис.
Мордовия Республикань Оцюнять пресс-службац