7 майста Мордовиянь Правительствать Председателец Владимир Сушков ульсь рабочай поездкаса Краснослободскяй муниципальнай районца.
Премьерсь содафтсь «Свободный путь» хозяйстваса тундань сокамань-видемань тефнень мольфтемаснон мархта. Ранняй зерновойхнень видемасна тяса шумордаф ни, тяниень пингть видеви кукурузась . Сембе работатне аделавихть азф пингста.
Тяда меле Владимир Сушков ульсь 6630 вастонди свинокомплексть строительнай площадкасонза, конань строясы «Глобал Поволжье» компаниясь. Од свинокомплекссь максы возможность кемокстамс районть и сембе республикать велень хозяйствань козяшинц.
Владимир Сушков решандазень рабочай кизефкснень аварийнай эряма вастста ломаттнень етафтомаснон коряс программать рамкаса строяви колма куттнень строительнай площадкасост. Кафта квартираса кудсь тевс сувафтови май ковть песта, 38 квартираса кудсь – 1 июльти, 19 кавртирасось – 1 августти.
Краснослободскяйса стане жа строяви 450 вастонди школа, кона отвечай тяниень пингонь сембе вешфксненди. Площадкать лангса етафтфоль совещания, конань участниконза ванозь строямста эвондакшни прябалатнень решандаманкса китнень-яттнень.
Тяда меле Владимир Сушков ульсь диализнай центрать строямань вастсонза. МР-нь Правительсвать Председателец башка мяль шарфтсь территориять благоустройстванц лангс, тяконь лувксса машинанди оцю парковкань тиемась.
Мордовия Республикань Правительствать Пресс-службац