Васедемать пингста корхтамась мольсь регионтть спортивнай объектонзон состояниснон, первоочередной аськолкснень, конат эрявихть тиемс инфраструктурань виензафтомать лемс и лама спортсменонь мялень саламать колга.
«Мордовияса пцтай 56 % эряй фалу кирдихть ялгакс ши спортть и физкультурать мархта. Минь пяк виензаф спортивнай инфраструктураньке –республикаса тяни 2 тежяньда лама тяфтама сооруженияда. Тяфтама надежнай партнерть кирдеманц вельде поладсаськ регионтть легкоатлетическяй инфраструктуранц виензаманц и одкстоптоманц», - китькстазе Мордовиянь Оцюнясь Артём Здунов.
«Теждя атлетикать инголе ащихть оцю задачат кода од асу ломанень касфтомань ширеть эса и сяда лама ломанень профессиональнай и любительскяй спортти сувафтомать коряс, станя и легкоатлетическяй сооружениянь одкстоптомать и пялькстоманди вастонь анокламать коряс. Нят задачатнень пяшкодемаса прявкс направлениятнень эзда фкакс арай региональнай власттнень и теждя атлетикань местнай федерациятнень мархта продуктивнай диалогонь строямась, - мярьгсь Петр Фрадков. – Тячи минь муйнек основнай потребносттнень Мордовия Республикаса легкоатлетическяй инфраструктурать виензаманцты, путомок фундаменть минь сяда товолдонь марспокодеманьконди: тя и Саранскяйса стадионтть легкоатлетическяй ядранц эрявикс спортивнай оборудованияса пяшкодемац тренировочнай и соревновательнай процессненди, и кинянь, комотнемань секторонь, ядрань ляцендеманди и тостяфнеманди секторонь, и легкоатлетическяй манежть петемац-одкстоптомац».
Мордовия Республикань Оцюнять пресс-службац