«Мон кунара ёран мархтонт ётафтомс васедема. Лад мялезон, што васедеманьке сафтовсь, - мярьгсь Артём Здунов. – Тейне эряви содамс, кода вятеви образовательнай организациява тинь покодемнте, кинди школаса пшкядихть иттне тя или тона мялень пяшкодевомаса, кода минь покоттяма шабатнень мархта, конат повсть эряфонь стака прябалатнень лангс».
Лятфтасаськ, директорхнень советниконь институтсь ульсь сувафтф касфтомань виияфты и образованиянь системати ёфси аф кунара. Кода азонды «Навигаторы детства» Всероссийскяй проектть региональнай координатороц Юлия Шеворакова, тяниень пингть Мордовия Республикань школава и профессиональнаай образовательнай учреждениява покодихть 274 воспитаниянь коряс директоронь советник. Синь вятевомаснон ала тя кизоть ётафтф 70 лама мероприятия 44 тёжянь шабанди. Лама проект арьсеви и ётаафтови Движения Первыхть мархта.
Васедемаса примась участия митрополитсь Саранский и Мордовский Зиновийсь. Сон шарфтсь мяль воспитаниянь коряс директорхнень советникснон башка тевса. «Эрь советниксь эстеенза максы кизефкс: кодама питнетне тейне сяда малат, мезе максан мон шабатненди, кодама кепотькс лангса мон синь карман касфтомост. Минь марса фкас пуроптсаськ обществать шумбра вийнц, штоба козякофтомс шабаньконь потмаёжень питнеснон ванфтомаса. Штоба минь мастороньке улель вии и инголи молихнень ёткса васенцесь», - мярьгсь сон.
Воспитаниянь коряс директорхнень советникснон мархта Мордовия Оцюнять корхтамац пяк удалась. И тя шарьхкотьф: минь сембе трятама шабат, пичеттяма кодама ломанькс касыхть минь шабаньке, кодама ули синь вандыень шисна, мезе эсост учи ванды. Шабатнень мархта покодемста эрявихть кельгомась, ёжень марямась, аф фкя лацонь методикатнень содамасна.
Васедемань участникне фкя-фкянь мархта корхнезь азондсть эсь педагогическяй практикаснон колга. Инсарскяй 1-це номер школаста воспитаниянь коряс директорть советникоц Елена Поповась азондсь, кода сувафтсыне шабатнень поисковай движенив. «Поисковикне – тя афкуксонь семья, коса од цёратнень и стирьхнень эса тонафтыхть лездома фкя-фкянди. Монь пяк лад мялезон, што тонафтан шабатнень эса улемс патриотокс», - мярьгсь сон.
Воспитаниянь коряс директорть советникоц Ф.В. Ванинонь лемса Оброченскяй школаста Аксана Афанасьева азондсь фрону лезксонь путомать ушедоманц колга. «Минь школаньке ульсь васенцекс, кона Ичалковскяй районца ушедозе лезксонь максомать. Минь стаме балаклават, анокламе окопнай штотолхт, кодаме сепии маскировочнай сетть, мархтонк лездсть и велеряйхне. Минь лезттама аф аньцек боецоньконди, но и ы помогаем не только нашим бойцам, но и приграничнай райононь эряйхненди», - мярьгсь сон.
Саранск ошень 22-це школань советниксь София Колесникова азондсь «Совет отцовть» кочкавоманц колга. «Совет отцовсь арась теенк кеме лафтукс, конань лангс минь надиятама фалу стака пингть. Алянь авторитетсь пяк эряви шабань касфтомаса», - азсь мяль педагогсь.
Артём Здунов азсь мяль лия школатненди ваномс тя опытть. «Тя арьсефсь пяк тусь мялезон», - мярьгсь Республикань Оцюнясь.
«Разговоры о важном» уроконь курсть ётафтовоманц колга азондсь Саранск ошень 31-це лицеень советниксь Павел Половов. Мордовия Республикань Оцюнясь азсь мяль од педагогти кемокстамс ня урокнень ётафтовомаснон коряс опытть, арьсемс сянь колга, мезсь сяда салай шабатнень мяльснон.
«Анокан мархтонт нинге весть васедемс и ваномс од арьсефнень тянь коряс», - мярьгсь Артём Здунов.
Эсь мялензон семейнай мастерскоень кочкавомать колга азозень Николаевскяй школаста Влада Евстигнеевась.
Воспитаниянь коряс директорхнень советникснон покодемаснон колга СПО-са азондсть Владислав Мухадинов (Саранскяй государственнай промышленно-экономическяй колледжста) и Ирина Минеевась (Саранскяй электромеханическяй колледжста).
Саранск ошень 7-це лицеень воспитательнай тевть коряс директорть полафтыец Ольга Никольская азондсь, кода сяда лац ладямс марстонь тевть советникть мархта, шарфтомок мяль, што ня должносттне аньцек поладыхть фкя-фкянь, кда макссак тевти ваймоцень.
Воспитаниянь коряс директорть советниконц пяк оцю и крхка тевоц – синь лездыхть тонафнихненди примамс участия городской и федеральнай проектова, сувафтыхть шабатнень эса детско-юношескяй объединенияв, волонтерскяй организацияв, медиаклубга, спортивнай секциява и театральнай кружокова, спектаклява и музейга. Советникнень миссиясна — строямс павазу шабань маршрут эрь тонафнити.
Мордовиянь Оцюнясь башка шарфтсь мяль советникть покодема тевонц лангс кемокстамок шабатнень мяльс семьянь юрхнень ванфтомаснон эса. Синь кемокстасазь ломанть арьсеманзон павазу эряфть колга.
Мордовия Республикань Оцюнять Пресс-службац