«Седи ваксста поздравляндатядязь сембонь Россия-Тядять Шинц мархта! Тяка пингть минь васьфтеськ Саранск ошень и Рузаевка ошень Шитнень. И тяфта повсь, што тя прокс, илань ши сембе странать и республикать лемс. Сембе минь марясаськ прянеконь ламанациональнай семьякс! – мярьгсь Артём Здунов. – 90 лама национальностень ломань эряй минь сетьме республикасонок. И, конешна, минь аф явоштофтама Родинанеконь эзда!»
Республикань Оцюнясь китькстазе, што российскяй триколороть ала Отечествать интерезонзон кирнесазь минь боецонеке. «Врагть върьгятемань сембе тяряфнеманзон мархта синь лездыхть тейнек сетьмоста эрямс, покодемс, касфнемс инвистицият. Республикась касомань полафтомать коряс тяниень пингть васенцесь странаса, тянь китькстазе и минь Президентонеке.Сюкпря теенза кирдеманкса – сон максси республикати возможность молемс инголи! Но прявкс задачась тейнек – сяськомась: минь сембе покодттяма тянь лангс,кие ба мезе афоль тие.», - китькстазе регионтть руководителец.
Тя шиня, кода фалу макссть паспорт Россиянь од гражданиттненди. Артём Здунов китькстазе: Улемс великай странань – Россиянь гражданинкс – тя и права, и ответственность. Эряви, штоба од ломаттне касольхть цебярь кепотькс лангса – боецнень, конат ащихть Родинанть сетьмешинц инкса, труженикнень, конат лама киза макссть республикати, семияти и странати.
«Россиясь ульсь,ули и кармай! Кода мярьгсь Президентсь: «Менди тейнек масторсь, коса аш Россиясь?». Илафттядязь сембонь илать мархта: верондада Россияти, кельгость Россиять и лездода теенза!» - шумордазе выступлениянц Мордовиянь Оцюнясь.
Сон казьсь питни наградат федеральнай и республиканскяй уровенень. Мужествань орденса казьфт специальнай военнай операциясь участникне: Дмитрий Волков Ромодановскяй районцта и Евгений Лошкарев Сирешайгав районцта, «За отвагу» медальса - Александр Кузовчиков, Суворовонь медальса – Сергей Коровин Саранск ошста, Жуковонь медальса – Василий Балашкин Торбеевскяй районцта и Александр Ивашин Саранскяйста. «Заслуженный учитель Российской Федерации» почетнай званиясь максф №7 Лицеень историянь и обществознаниянь учительти Светлана Шигаеванди.
МРЦКБ – нь прявкс врачть полафтыенц Татьяна Куняева, конанцты ульсь максф «Заслуженный врач РМ» почетнай званиясь, эсь каршек валсонза мярьгсь: «Символична получамс тя наградать Семиянь кизоть. Въдь именна семиясь – минь кирдема вастонеке, надежданеке и вийнеке. Именна сон и минь народнеконь коенза няфнихть эсь прянь аф ужяльди покодемань кепотькс».
Людмила Гордеева – № 43 Лицеень рузонь кялень и литературань учитель, теенза максф «Заслуженный учитель РМ» почетнай званиясь, лувсь «Наша Родина» валмор, лемтьф Мордовияти –великай Россиять пяльксонцты.
Торжественнай церемониянь участникнень тяфта жа илафтозь Мордовиянь Госсобраниянь председательсь Владимир Чибиркин, региональнай Правительствань Председательсь Дмитрий Поздняков и РМ коряс прявкс Федеральнай инспекторсь Анатолий Гулин.
Мордовия Республикань Оцюнять пресс-службац