Тя недялять пец и сай недялять ушетксоц сотфт республиканьконь од политическяй историянц несколька важнай датанзон мархта. Вете кизода инголе 2012 кизонь 14 майста Россиянь Президентсь Владимир Путин путозе Владимир Волковонь Мордовия Республикань Оцюнякс. Ковда инголе Россиянь Президентсь Владимир Путин путозе Владимир Волковонь Мордовиянь Оцюнять тевонзон тиендикс. Тяфтама марс прамась максси возможность тиемс анализ мекольце вете кизотненди, корхтамс республикать сяда товолдонь касоманц-вииякшнеманц колга.
Политическяй пятилеткань событиятненди лемтьфт фильмат, конат маластонь пингть лисихть республиканскяй телеканалхнень эса. 13 майста 8.15 частса «Россия-1» каналса «Мордовия» ГТРК-сь няфтьсы «Первый тайм» фильмать. Тяка шиня, 13 майста, «Мордовия – 10 канал» телесетсь 18.00 частса няфтьсы «Разговор с Владимиром Волковым» фильмать. 14 майста 18.00 частса Мордовиянь Народнай телевидениясь няфтьсы «Взлетная полоса Владимира Волкова» фильмать. 15 майста «Разговор с Владимиром Волковым» фильмась лиси 19.40 частса ТВ-Саранск «Пятый канал» каналса. 15 майста 22.00 частса «Первый тайм» фильмась оду няфтеви «Россия-24» каналса.