Артём Здунов мярьгсь: «Минь марстонь тевонь тиеманьке эрязста виияй и сатсыне ламоц направлениятнень. Мордовиясь и Беларуссиясь покодихть мишендемань-экономикань, научно-техническяй и культурань тевонь тиевомань кафта ширдень соткснень марс ладямань и промышленнай и аграрнай предприятиятнень ёткса кооперациянь соткснень виензамасна, культурань-гуманитарнай марстонь тифть кемокстамань коряс дорожнай картать лувксса. Мон васедкшнень Александр Григорьевич Лукашенкань мархта. Тяда меля минь пяк лама тиеме - Мордовиять и Беларусь Республикать мархта внешнеторговай оборотсь 2024 кизоня кассь 20%. Минь ёратама сяда товга виияфтомс побратимонь соткснень нолдамок тевс наукань, культурань, спортонь и туризмань проекттнень».
Мордовиянь предприятиятне пачфтихть Беларуссияв электрическяй машинат и оборудования, железнодорожнай кинь ваготт, алюминий, сере и сонь эздонза тифт, сиволень и калонь анок продуктат.. Беларуссияста ускови машинань и станкостроениянь, шуфтонь обработкань, химическяй и тёждя промышленностень продукция, тяфта жа фармацевтика, велень хозяйствань аноклафт и аф фкя лацонь ярхцамбяль.
Мордовияса «Аграрный ресурс» компаниять юрса покоди Беларуссия Республикаса нолдаф техникань мишендемань и техническяй сопровождениянь коряс лама функциянь центра. Мордовия Республикань Оцюнясь башка шарфтсь мяль МАЗть мархта марстонь проекттнень – вастста вастс шашневи мастерскойхнень производствасна.
Кемокстави тонафтомань тевса марстонь тевонь тиемась. Мордовиянь государственнай университетсь ладясь 20 марстонь арьсеф Беларуссия Республикать тонафтомань, наукань организациятнень и предприятиятнень ёткса. Ётай кизоть шумордавома пингонц ланга панчфоль тонафнемань класс Механикань и энергетикань институтть видеса велень хозяйствань кирди специалисттнень анокламаса.
Нижний Новгород ошса Россиянь МИД-нь представительсь Сергей Малов шарфтсь мяль од генеральнай консулть опытонц и цебярь профессионализманц лангс – арамда инголе сон ульсь Беларуссия Республикаса архитектурань и строительствань министрань васенце полафтыкс. «Беларуссия Республикань генеральнай консулсь тяфта жа шарфты мяль мишендемань-экономикань и гуманитарнай марстонь тевонь тивомать коряс тефнень лангс. Тя лезды ладямс сядонга кеме марстонь соткснень», – мярьгсь сон.
Олег Швец шарфтсь мяль: «Минь республиканьке пяк малат арьсемас коря. Тяфта жа малат арьсефоньке сельскохозяйственнай и промышленнай секторхнень виияфтомаса. Но минь аф ащетяма кара-каршек фкя-фкянди – одуряд минь лезттама фкя-фкянди. Минь товарооборотоньке касы кизоста кизос, кемокставихть кооперациянь сотксне предприятияньконь ёткса.. Мон улень «Рузхиммаш», «ЭМ-Кабель», «Аграрный ресурс», «Лидер-Компаунд» предприятиява, ламоц кооперациянь сотксне ладяфт. Мон няине кода покоди минь техниканьке, минь автобусоньке – водительхне и арнихне макссть теест оцю питне. Арьсян, марстонь тевоньке кармай поладовома и сяда тов».
Мордовия Республикань Оцюнять Пресс-службац