«Республикась эрязста сувафты эряфс Национальнай социальнай инициативатнень механизмаснон. Кафта кизот теснаста АСИ-ть мархта ушедсь региональнай социальнай стандартть сувафтомац. Ёрат сатомс тифцень – покотть системна! Кода тя минь лиси, ванцаськ тячи марса, - лоткась тянь лангс регионть руководителец. – Ётафтф тевть вешфксонза няфтьсазь, што региональнай социальнай стандартть сувафтомац няфти позитивнай смузь и властень оргаттнень цебярь питнень максома ломаненьконь эряфснон цебярьгофтомаса». Ульсь азф, што региональнай социальнай стандартть принципонц коряс вятеви и Херсонскяй область мархта колмаширдень марстонь соткснень кирдемаснон коряс вятемась.
Светлана Чупшева шарфтсь мяль, што эрь кизоня Мордовиять позициянза рейтингонь качествать няфтевомаса цебярьгодыхть: «Минь няйсаськ республикать касоманц, ся тевть вешфксонзон пяшкодемаснон, кона вятеви руководствать и Правительствать мархта. И теенк пяк эряви содамс, што рейтингсь – тя аф аньцек регионть шнафтомац, а эряйхнень эзда сатомс меккядь связь, няемс серцек путозь тифть лия региоттнень мархта, ваномс инь цебярь практикатнень, касомань ункснень, поладомс одс строяфнень. Тя арси вии управленческяй инструментокс региональнай командатненди эрь шинь цебярьгофтомаса кода медицинаса, образованияса, социальнай касомаса, экологиянь кизефкснень эса, транспортса, жилищнай условиятнень цебярьгофтомаса, ошень мазоптомаса».
Ульсь азф, што 2024-це кизонь итокнень коряс республикась сувси топ-30 региоттнень ёткс эряфонь качествань няфти рейтингть коряс мастороньконь келес, Мордовиясь васенцекс сувафтозень региональнай социальнай стандартть. «Тя пяк цебярь тифсь! Но мон содаса, што Артём Алексеевич кяподи командать мяленц эса аф лоткамс сатфть лангс, а молемс сяда тов», - мярьгсь АСИ-нь гендиректорсь.
Виде юркс тя рейтингть принципса ащи человекоцентричностсь, но тяни сон поладови семейноцентричностень полатксса. Мала пингонь цебярь тевсь и рейтингонь питнень максома шкалась ули петьф национальнай вешфкснень лангс няжедезь, конат кемокстафт 2036-це кизоти самс. Васенце вастса, демографиясь и семьянь сотомась, СВО-нь участникненди и синь семьяснонды лезксонь максомась.
Вице-премьерсь Галина Лотванова азондсь эряфонь качествать рейтингонц колга. Сонь коряванза 2024-це кизоня Мордовиясь кяподсь РФ-са кота позицияс и ПФО-са – 1 позияс вяри. 140 эряфонь няфти рейтингть няфтеманзон коряс 66 – опроснайхть, 65 кандовихть социальнай сферати. Кафкса зонась нинге кандовихть стакатнень ёткс – лангозост эряви шарфтомс мяль.
РМ образованиянь министрсь Елена Солдатовась азондсь инь мялень салай практикатнень колга образованиянь сфераса. Республикаса сембе ширде сатф дошкольнай образованияса. Колма кизоньберьф 4 % кассь дошкольнай образованиянь сатфсь. Оцю лезкс макссть нацпроекттне, конат лездсть касфтомс и цебярьгофтомс образованиянь системать инфраструктуранц. Мастороньконь келес Республикаса фкя инь цебярь показательсь обедта меле тонафнихнень киремасна – мекольце 5 кизотнень кирьсь кафксть. Инь эрявикссь – дополнительнай образованиясь. Важная составляющая – дополнительное образование. Республикась инголи моли позицияса шабатнень дополнительнай образованиянь фатямаса. Арафтф фкя марстонь навигатор учреждениятнень колга информациянь кочкамань, услугань максомань, занятияс серматфтомань коряс. Шабань шумбрашинь ванфты лагерьса мекольце колма кизотнень ваймамась тяфта жа вятеви допобразованиянь программать коряс. Оцю показательхть регионць няфти шабатнень олимпиадаса содамошиснон няфтемаса – пцтай 80 % тонафни 5-11 класса примайхть участия олимпиадаса школьнай этапса, а эрь омбоцесь – муниципальнай.
Добровольческяй стандарттнень сувафтомаснон колга республикать территорияса азондсь РМ Госкомитетть председателец од ломаненеь тефнень коряс Анастасия Гришнева. Основной принципне: доброволецнень системнай анокламасна, волонтерскяй движениянь вятемань механизмась вяти фкя ммарстонь стандарттненди, арьсефт волонтерондии мотивационнай механизматне. Курок пингть ули примаф стандарт, но сембе ширдень сотомась уже путф вастс. Курок ушеды покодема и Добровольчествань Региональнай Центрась. всестороннее взаимодействие уже налажено.
Тяфта жа заседаниять пингста ульсть кулхцонтфт докладсна Мордовия Республикань Оцюнять Администрациянь Руководителень полафтыенц и РМ Правительствань, Региональнай сервисонь уполномоченнайть Елена Семелевать Херонскяй область мархта марстонь соткснень кемокстамаса социальнай сферань инь эряви кизефкснень ваномаснон колга, Фондть президентонц кирдевомац социальнай проектонь и «Сила добра» программатнень коряс Наиля Хаминань корхтафонц региональнай экспертнай группать покодеманц колга АСИ-ть и Фондть арьсеф проектонзон колга.
Заседаниять шумордамста Светлана Чупшева сотозень марс покодемать коряс итокнень. Башка ульсь шарфтф мяль республикать тифонц лангс бесшовнай траекториять виияфтомаса шабатнень касомаса, регионть семейнай ориентированнай политиканц лангс, СВО-нь участникненди и ветераттненди лезксонь максомаса. Советти эряфонь качествань коряс РМ-са и региональнай экспертнай группатненди ушедомс ванома и нолдама тевс региональнай социальнай стандартть 2.0 форматса.
Мордовия Республикань Оцюнять Пресс-службац