Лятфтасаськ, што тя проектсь ётафтови Президентть лезксонц вельде.
«Лад мялезон васьфтемс командантень инжиень кельги республикасонк, - мярьгсь Артём Здунов. – Марстонь тевоньке ушетф ётай кизонь август ковста. Ноябрьста минь ётафтоськ фестивальть региональнай пяльксонц, ваноме «Сёстры» спектакльть эса, музыкальнай выступленият. Тячи теенк сави ётафтомс фестивальть нинге фкя региональнай пяльксоц. Эряви азомс, што тядде тя илать лангс шарфтови мяльсь сяда крхкаста: программась келептьф аф аньцек шитнень лувксснон касфтомаса, но и содержаниянц крхкалгофтовомаса. Тя киноработат, концертт, кинолабораторият. Студенттнень ули мяльсна покодемс специалисттнень мархта, тонафнемс. Эняльдян корхтамс мархтонт мялень аф сёпозь ёткашовор тиф тефнень коряс».
Саранскяень и Мордовиянь Зиновий митрополитсь макссь фестивальти оцю питне. «Мон сембе ширде кирьдса мяльть республикаса киноискусствать касоманц вииямаса, мярьгсь сон. – Фестивальть командац – тя видексонь геройхть. Кемама вастокс ащихть. Сят, конатнень колга корхтай минь Президентоньке».
Проектса кочкафт музыкантт, поэтт, художникт, режиссёрхт – искусствань и культурань покодихть, СВО-нь участникт, конат ваймонь аф ужялязь пичедихть мастороньконь инкса.
Кинолабораториять покодеманц колга азондсь Мордовия Республикань Оцюнять старшай советникоц Татьяна Алиходжина. Кемонь ши од кинематографисттне тонафнесть налхкома и документальнай кинонь тиемать колга теоретическяй и практическяй асушитнень тевс нолдамаснон. Тонафнесть эсост тевонь содай специалистт марнек Россияста. Кинолабораториять покодемань тевс нолдаф смузекс арасть тиф ниле кинотне. Итогом работы и стали четыре снятых фильма.
Олеся Шигина «Кино на службе Отечеству» Международнай аф фкя вастса ащи фестивалть оцюняц азсь Мордовия Республикань Оцюняти сюконяма мяль-валхт проектть кирдемвоманц сюнеда. «Теенк тя васенце киношколась, тя оцю покодема тев. Мордовиять козя творческяй асушиц. Шабатнень ваймосна валтт и аруфт, инь вии искусствати тя пяк цебярь, - мярьгсь сон. – Ули оцю надияма, штоба кинолабораториясь покодель сяда тов, а минь ба лездолеме нолдамс тевс Мордовияса сяда тов федеральнай проектть. Воиттнень подвигсна ащи киноискусствать одуряд шачеманц юрса. Синь тиф тевсна Шачема масторти служамаснон вельде арай рузонь культурать шачемаса од валкс, кона шукадьсы мирть».
Олеся Шигина – Отечествань аралаень тядя, кона доброволецокс туф цёранц мельгя срхкась Донбасу, штоба виде мяльхть азондомс СВО-нь участникнень кеме воляснон и подвигснон колга, кочкась перьфканза фкя мялень кирди творческяй оцю команда, коза сувси и шабатнень мелянь омбудсменсна, писательсь и телеведущайсь Павел Астахов, конань цёрац тяфта жа туф фронту. Павел Астахов кочкась-тись документальнай кино «Врач от Бога» - Лука Крымскяй святительть колга. Сяда тов Павел Астаховонь мяльса-арьсемаса кочкамс кино сятынятнень колга, конат розаряфт нацисттнень мархта границать маласа. Тя видешить эряви няфтемс ломаттненди и васендакиге – од ломанень поколенияти. «Мархтонк тюри равжа кяжсь. Теенк эряви касфтомс шабаньке станя, штоба тя кяжсь афоль сяське.
Эряви панжемс киношколат, сяда сидеста ётафнемс фестивальхть, серьгядемс од ломанень поколениять, максомс сяда лама пинге васетькшнемс и корхнемс минь боеценьконь мархта. Тяфта пуроптф аф юкстави советскяй патриотическяй культурась – козядонга козя поэзияньке и кинемотографиясь. Мес пара мяльса минь ваттама советскяй кинотнень эса? А сяс, мес ня кинотнень эса тисть ся ломаттне, конат няезь тянь семботь, сят кие азондсть видешить эса. А ся, мезе тиф Голливудса, тя ёфси лия. Сянкса, дай Бог, штоба фестивальсь эряль!» - мярьгсь сон.
Российскяй Федерациянь ветеранонь кирдевомать, патриотическяй проекттнень и суверинитетонь кизефкснень коряс комиссиянь председательсь, Российскяй Федерациянь координационнай советть сопредседателец од субъекттнень интеграцияснон коряс Владимир Рогов мярьгсь: «Мордовиясь – пяк цебярь васта российскяй ломанть асушинь смузенц панжемаса. Тяса марясак пряцень кода кудса. Сюкпря, Артём Алексеевич, што приматада участия и шарфттатада мяль тянь лангс».
Мордовия Республикань Оцюнять Пресс-службац