Лятфтасаськ, кадровай программась «Время героев» тиф Россиянь Президентть Владимир Путинонь ушетксонц коряс. Тядде конкурсонь пялькстомас кучф аф фкя тёжяньшка пшкядема. Критерийхнень ёткса эрявикссне – воинскяй заслугатне, управленческяй оцю опытсь, кода гражданскяй, станя жа и боевой. Тонафнемати кундасть 80 сяда лама ломань, ламотне ётксост – Россиянь Геройхть.
Артём Здунов - «Школа губернаторов» васенце кочкафть выпускникоц, сон азондсь эсь опытонц колга покодемок Россиянь колма регионца - Татарстанца, Дагестанца и Мордовияса. Республикань Оцюнясь мярьгсь: «Социальнай сфераса мялень явомась – тя эрявикс, кона салай мяль сембе тевс сувазь, синь мельгаст ваномась. Цебярь ресурссь – Региононь вятема центра. Тя покодемань технология, кона лезды получамс мекмоли связь».
Мордовия Республикань Оцюнясь мярьгсь: тяни республикась, кода и сембе масторсь, покоди кафта оцю сергядематнень лангса, конат няфтьсазь Шачема масторть сай пингонь стратегическяй виияфтоманц – тя демографиянь цебярьгофтомась и специальнай военнай операциянь участникнень и синь семьяснон кирдевомасна.
Оцю тев вяти Мордовиясь демографиять виияфтомаса. Лятфтасаськ, што тя кизоть апрельста Россиянь Президентть Указонц коряс Республикань Оцюнясь путф РФ-нь Госсоветонь «Семья» направлениять коряс комиссиянь председателькс. Тячиень пингть Артём Здуновонь вятеманц ала кочкавихть мяльхть-арьсемат, конат улихть ванфт комиссиянь васенце пуромксса, синь токасазь семьять, раштамать и лама идень семьять.
Республикаса кочкафт лезконь од канды мерат, синь ётксост и – весть максозь ярмаконь пандомась 100 тёжянь цалковай, кда васенце шабась шачсь мзярда авати 25 киза.
Тяфта жа нацпроектть вельде тя кизоста сявомок республикаса кемокстаф 300 тёжянь цалковайхнень весть пандомасна колмоце и тяда меле эрь шачи шабать шачеманкса.
Республикаса ётафтови социологическяй ваноматне-тонафнематне и экспертонь кизефнематне няфтьсазь, што оцю сталмокс семьяса шабань шафтомаса и шабань лувксть касфтомаса ащи эряма вастонь мумать коряс кизефкссь и оцю сталмокс лувови эсь эрямавастонь рамамась. Тя кизефкссь ащи васенце вастса лиятнень коряс – кода шачфтомать касфтовоманц эса , региону од ломаттнень илядомасна, станя и республикаса социальнай, бюджетнай и производственнай сфераса сяда эряви профессиятнень коряс специалисттнень тердемаснон коряс.
Сянкса тя кизонь март ковста Мордовиясь Россияса васенцекс примась «О дополнительной государственной жилищной поддержке семей при рождении детей» закон. Бюджетса покоди семьятненди, конат вешихть эряма вастонь цебярь вастт и ёрайхть сотомс эряфснон вандыень шинц Мордовиять мархта, кармайхть явома эряфонь цебярьгофтомаса квартират (сиводемань договорхнень коряс и сяда тов рамама шинь права мархта).
Тяфта жа Мордовия Республикань Оцюнясь азондсь, кода республикась вятьсы тевть СВО-нь участникнень семьяснонды лезксонь максомаса. Пцтай сембе госуслугатне можнат сявомс фкя вальмя принципть коряс, апак якак инстанциява, эрь боецть мельгя сотф социальнай координатор. Тя сатови господдержкань коряс эрявикс тефнень максовомаса, медицинскяй и реабилитациянь вешфкснень сатомаса, санаторно-курортнай пчкафтомаса, психологическяй лезксонь и юридическяй консультациянь максомаса, покодема вастонь вешемаса и оду ряд тонафнемаса. Эрь семьяти аноклаф социальнай паспорт, кона няфтьсыне сембе максф лезкснень соцподдержкать эзда и муф сталмотнень.
Республикась примась башка вешфкст, синь ётксост СВО-нь участникнень программасна диспансеризациять колга. Тяни виияфтови медицинскяй системась реабилитациять коряс программать вятемац, тя тевти кярьмодсть республиканьконь сембе санаториянза и ваймама кудонза.
Тяниень пингть Е.В. Швецовонь лемса сурдлимпийскяй и паралимпийскяй резервань спортивно-адаптивнай школаса тиеви отделения, кона кармай покодема СВО-нь участникнень мархта, конатнень ули инвалидностьсна военнай операцияса сатф.
Специальнай военнай операциянь участникненди и ветераттненди Мордовияса нолдаф программась «Герои среди СВОих», конанди ушетксокс арась «Время героев» Президентонь программась. 1-це июльста ушеды тонафты васенце модульсь.
Мордовия Республикань Оцюнясь ётафтсь Президентонь программань участникненди ролевой интерактив, кона арафтф башка ширень вешематнень цебярьгофтомаснонды.
Мордовия Республикань Оцюнять Пресс-службац