Мордовиянь госуниверситетсь аноклай Бахрейнонь компаниянц мархта марстонь тевтиема, кона ули анок кочкамс тяфтама жа марстонь программатнень, исследовательскяй и научно-образовательнай проекттнень топафтовомаснон лангс. Инголе РФ-са Бахрейн Королевствань Чрезвычайнай и Полномочнай Посолсь явсь мяль рузонь кяльть тонафневоманц коряс, биотехнологиятнень, информационнай технологиятнень, фармацевтикань и медицинань коряс специалисттнень анокламаснон лангс.
Тяда башка, кемекстаф корхтамась Персидскяй заливонь масторонь рынкати биотехнологическяй продуктатнень сувафтомаснон колга.
Васедема пингста тяфта жа ульсть кепотьфт кизефксне Бахрейн Королевствав республикань предприятиятнень продукцияснон пачфтевомаснон колга. Корхтамась мольсь фанерань, шинь мянцеви модульхнень, ванфтомань автоматизированнай систематнень и вастста вастс петемань шашневи мастерскойхнень пачфтемаснон колга.
Ширетне корхтасть Россияв Бахрейнонь предпринимательхнень самаснон бизнес-миссиянь лувксонь коряс деловой сюлмотнень поладомаснон мархта.
Мордовия Республикань Оцюнять Пресс-службац