Азан теенть мяль-валхт мяляфтови и аф юкстави эрь ломанть эряфса илать мархта – тя школаса тонафнема кинтень шумордавоманц эса! Тячи тинь ащетяда мялень салай арьсемантень мархта серцек, тинь инголент панчфт сембе кенкшне. Кочкасть эсь кинтень, моледа инголент путф вешфкснень мельгя аф пелезь. Мяляфтость, павазти кись ащи содамошитнень, тевонь кельгомать и фкя васта аф ащемать эзда.
Тя кизоня Мордовия Республикаса тиихть аськолкст оцю ломанень эряфти 10 тежяньда лама выпускник вейхксоце и кефкиеце класса тонафнихнень ёткста. Эрь выпускниксь асу и машты эсь прянь вятема. Нолдасть тевс асушинтень, тяда пеле сталмода и эста эряфонь кинте ули пяшксе аф аньцек павазда. Тяда пеле арьсемс келиста. Кельгость шачема ширентень, сяс мес тя кельгомась максы теенть вийхть и пара арьсемат молемс инголи цебярь тевонь тиезь.
Башка сюконяма валхт азан тядянтенди-алянтенди, тонафтыентенди и наставниконтенди, конат вятсть эсонт инголи сембе ня кизотнень. Синь лезксснон вельдя теенть сатовсть сталмотне. Синь максозь теенть васенце урокть кемошить и патриотизмать коряс, вятедязь инголи, тонафтсть эсонт содамс и ванфтомс ся койхнень и обуцятнень, конат малат теенк. Синь кельгомасна и сельмованфсна лама кизос лядыхть эряфсонт и аф фкя киза кармайхть эсонт кирдема.
Арьсян теенть паваз, сатфкст, экзаменонь тёждяста максовома, тяда пеле нолдамс тевс содамошинтень и моледа вяре прят инголи! Катк эряфонь кинте ули валда, а вандыень шинте ули пяшксе кенярдемада! Валда кис!
Мордовия Республикань Оцюнясь А. Здунов