Соглашеният видеса «Т Плюс»-сь тисы лямбонь сетень одкстоптомать и урядасыне асушитнень, гидравлическяй испытания пингста муфнень. 2024 кизонди перекладкань планц сувафни эсь эзонза 16 км лама трубань полафтома. Сон тиф теплоснабжениянь схемать коряс и «Безопасные и качественные дороги» нацпроектть видеса покодематнень учетснон мархта. Эсь ширестонза, ошень администрациясь управляющай компаниятнень мархта марс ётафни эряфс мероприятият потребительхнень ширеса, конат макссихть возможность лямбонь энергиянь максома объекттненди. Тяда башка, «Т Плюс»-сь ошень администрациять мархта ётафтыхть резервнай лямбонь источниконь проверка.
Тяфта жа энергетикнень, региональнай и ошень власттнень марс покодемаснонды сувси информацияса полафтомась и ОЗП-нь анокламать коряс марстонь совещаниянь ётафтомась.
«Уштомань сезонтти анокламась – тя пяк важнай кизефкссь, сяс мес сон токсесы минь эряйнеконь пара эряфснон. Соглашениясь ПАО "Т Плюс"-ть мархта – минь сотрудничестванеконь важнай этапоц, конац шарфтф топливна-энергетическяй комплексть покодеманц лангс, а тяфта жа коммунальнай сетьса технологическяй нарушениянь машфтомати», —мярьгсь Мордовиянь Оцюнясь Артем Здунов.
«Уштомань сезонтти анокламась—тя стака процесс, конань эса участвовандайхть аф аньцек энергетикне и государствась, но и потребительхне. Кажнайть кядьса, кода ётай ОЗП-сь. Тячиень соглашениясь марстоптсыне минь вийнеконь и лезды касфтомс лямбонь максомать качестванц и надежностенц Саранскяйса сай тялоть», — китькстазе ПАО «Т Плюс»-ть генеральнай директороц Александр Вилесов.
Тяниень пингть Саранскяйса ётафневихть кемешинь и плотностень ваномань гидравлическяй испытаният тепловой сетьса марстонь кувалмоса пцтай 285 км. Апрельста лац ётасть испытаниятне «ТЭЦ-2 – Северо-Восток» № 3 магистральнай трубопроводтть теплоносителенц инь оцю температуранц лангс, распределительнай теплотрассань и теплопотреблениянь системань.
Мордовия Республикань Оцюнять пресс-службанц