Кепотьксонди, максф оцю питне чат-ботть лама шабань семьятненди лездомаса. Проектсь арьсеф Сбер Бизнес Софт (Сбербанкть дочерняй обществац) и нолдаф тевс НКО-ть «Много Дети» мархта ноябрь ковста 2024-це кизоня, кона салазе мяльснон Мордовияса эряйхнень. Тя пингть ульсь ванф 800 лама пшкядема, конань пингста чат-ботсь макссесь консультацият и инь виде кулятнень онлайн режимса лама идень семьятненди. Примаф вешфкс сембе ширде проектть келептевоманц эса и сувафтомс эзонза од вешфксонь категорият, конат фатясазь регионть ламоц семьятне.
Ульсь ванф васедемаса нинге фкя кизефкссь Мордовия Республикань школава «Алгоритмика» Международнай школать програмированиянь и математикань ширде асушитнень нолдамаснон шабатнень тонафтомаса шумбрашинь ванфтома юрхнень и базовай принципнень лангс няжедезь. Васенце этапса проектти сувайхть 10-шка школа Саранск ошста и республикань муницпальнай райотнень эзда. Проектсь шарфтф информатикань вяти тонафтыхнень квалификацияснон касфтомаснон эса, школаса тонафни сяда лама шабатнень саламс мяльснон алгоритмикать тонафнемаса, программированиянь кяльть содама, цифровой навыкнень коряс «цифровой ГТО-ть» максоманц тонафнема кизоть ушетксса и шумордамста.
Тяда башка, ширетне састь мяльс нолдамс тевс марстонь прокт МФЦ-ть мархта, штоба тонафтомс сотрудникнень клиентоориентированность коряс покодема, кода кирдемс стакашитнень покодема вастса и маштомс улемс тонафтыкс покоди ялгатненди.
Мордовия Республикань Оцюнять Пресс-службац