«Сбербанксь – минь стратегическяй партнернеке, - китькстазе Мордовиянь Оцюнясь Артем Здунов. – Минь пяк плотнайхть взаимоотношениянеке сембе направлениятнень коряс. Лама планда сяда тов марс покодеманди, конат савихть ётафтомс эряфс. Минь задачанеке – тиемс качественнай, передовой, востребованнай технологият и сервист».
Сберсь максси регионтти лезкс тяниень пингонь эрямавастонь строямаса и инфраструктурань модернизацияса. Тяни банкть участиянц мархта республикаса строяви межмуниципальнай комплекс и ТКО-нь переработкать коряс полигон. А тяфта жа 15 жилой комплекст марстонь площадьса 150 тежянь кв. метрат.
Васьфтемань башка блок ульсь лемтьф искусственнай интеллектонь технологиянь касфтомати-виияфтомати и AI-трансформацияти. Банксь тяфта жал лезды сувафнемс цифровой сервиснень бизнесонь представительхненди. Регионса 30 компанияда лама тиендьсазь цифровой трансформациять Сберть мархта.
«Сберсь сашендови Мордовия Республикати надежнай партнёркс. Ётай кизоть минь ётафтоме дизайн-сессия, коса корхтаме сервиснень нолдамаснон колга, конат тисазь Мордовиянь эряйхнень эряфснон сяда цебярькс. Уже этафтф эрявс мзярошка проект здравоохранениянь сфераса – пациентонь дистанционнай мониторингсь, «Цифровой ФАП»-сь, а спортонь инфраструктураса –«Живу спортом» проектсь. Мордовиясь занци васенце вастть странаса тя сервисть масштабированиянц коряс, Саранск ошень сембе спортонь объекттне подключандафт тя платформати. Минь няйхтяма оцю потенциал сотрудничестванди, сяс мес сон шарфтф Мордовиять социальна-экономическяй касоманц-виияманц лангс», - китькстазе Александр Анащенко, Сбербанконь Волго-Вятскяй банкть председателец.
Актуальнай тячиень шиня направлениясь марс покодеманди - населениять финансовай грамотности тонафтомац и кибермошенникнень каршес ащемась. Тяниень пингть тя прябалась пяк пичефти. Артём Здунов и Александр Анащенко максть фкя фкянди вал виияфтомс сотрудничествать. Банкть ули оцю компетенциянь объемоц. Аньцек ётай кизоть Сберонь сотрудникне лездсть ванфтомс Мордовиянь эряйхненди 26,2 млн цалковай, конатнень мошенникне тяряфнесть саламс социальнай инженериять лезксонц вельде.
Сберть эряз клиентокс сашендовихть 500 тежяньда лама республикань эряй. 2023 кизоня региононь эряйхне получасть кредитт 21,8 млрд цалковай ланг, синь эздост ипотекась - 11 млрд цалковай. Банксь сашендови ключевой налогоплательщикнень эзда фкакс, а тяфта жа тиенди од покодема вастт. Васедемаса примасть участия вице-премьер Наталья Таркаева и республикань финансонь министрь Сергей Тюркин.
Мордовия Республикань Оцюнять пресс-службац