Токазь квантовай алгоритмаса искусственнай интелектонь нолдамать коряс темать. Иван Утенков азондсь инициативать колга, конань кирдезе Россиянь Президентсь, консорциумонь тиемать коряс квалифицированнай кадрань анокламанди странать квантовай инженериянц виензаманцты. Потмозонза сувайхть вяти вузне, синь ётксост и Н.П. Огаревонь лемса МГУ-сь.
Башка ванф ульсь максф республикать и Мордовияса шачи предпринимательхнень бизнес-пуромксснон мархта сотрудничествати. Ульсь китькстаф, што тя цебярь взаимодействиянь точка регионтти инвестициянь сувафтомати и эрь кодама пректонь виензамати.
Артём Здунов и Иван Утенков токазь и социальнай плоскостть. А именна, аф кунара нолдаф «Всех обнял» сембероссиянь пректть. Кепотьксоньди, Мокшэрзянь землячествать пацянц ала ащи Оцю Березники велеса малюткань Кудсь. Мордовияв самать пингста Иван Утенков максозень учрежденияти эрявикс паршихнень. Тяфта жа бизнес-сообществась сявсь эсь лангозонза обязательства учреждениять 35-кизонц инголе ётафтомс зданиять эса петема и мазоптомс кругомганза вастть.
Мордовия Республикань Оцюнять пресс-службац