«Машиностроениясь – тя эрь кодама регионтть и странать экономиканц базовай отрасляц, индустриять кучка вастоц. Именна республикань машиностроительхне, а тя 20 тежяньда лама ломань,конат покодихть минь заводнеконь эса, тиендьсазь региональнай валовай продуктть инь эрявикс показателензон. Минь предприятияньке лац васьфнесазь пингть тердеманзон и тевонь содазь молихть инголи», - китькстазе регионтть руководителец.
Ульсь китькстаф, што тя кизонь комсь кофнень пингста производствань объёпнень касомасна республикаса няфтсь пцтай 120 %. Инь оцю путфксть машиностроительнай комплексть касомаса-вииямаса няфнесазь «Рузхиммашсь» (производствань объемсь 8 ковонь итокнень коряс няфтсь 47 млрд цалковайда лама, а касомань темпсь – 135 %) и кабельнай продукциянь нолдайхне – синь продукцияснон доляц 30% лама промышленнай предприятиянь марстонь объёмть эзда. Пяк цебярьхть показательсна металлургнень, приборостроительхнень, станкостроительхнень и электрическяй оборудованиянь ноляйхнень.
Мордовиянь Оцюнясь китькстазе покодемать производительностенц касфтоманц эрявиксшинц, ванфтомань производствань принципнень сувафтомаснон, покодихненди сяда цебярь условиянь тиемать. Важнай инструменттнень эзда фкясь – «Профессионалитет» федеральнай проектсь. Республикаса тиф кота отраслевой кластерхт, няевиста одкстопфтозь учебнай учреждениятнень материальнай базаснон. Тя лезды касфтомс рабочай профессиянь престижть и мольфтемс кадрань целевой анокламать. Башка ванф сави максомс особай экономическяй зонать касоманцты-виияманцты и омба масторонь партнерхнень мархта покодемати.
«Тяниень пингонь условияса эрь заводть директоронц, конструкторонц, инженеронц и тружениконц ответственностьсна сявонди башка смузь. Минь покодтяма эсь лемознок, сетьме эряфть лемс, но васенцексс - фронти, - китькстазе Артём Здунов. – Сянь мархта, конашкава уверенна и апак лотксек кармайхть покодема минь заводоньке, сотф минь сетьмешиньке и ломаттнень вандыень шить эса уверенностьсна. Мон сюконян эрьти эздонтт профессиять кельгоманц и эсь прянь аф ужяльди покодеманттень инкса».
Региононь Оцюнясь казсь оцю наградат, синь ётксост II степенень «За заслуги перед Отечеством» орденонь медальсь – «103 арсеналонь» генеральнай директорти Дмитрий Холодовонди и предприятиянь цехть начальниконцты Сергей Алексеевонди, АО «Медоборудованиянь» токарти Михаил Макаровонди.
Покодемаса сатфксонкса РФ-нь Президентть почетнай грамотанц мархта казьф Рузаевскяй химическяй машиностроениянь заводтть фрезеровщикоц Олег Кильдишов, Россиянь Президентть Сюконяманц – Ковылкинскяй электромеханическяй заводть фрезеровщикоц Андрей Колдин.
Машиностроениянь отраслянь покодихненди наградатнень тяфта жа казезь Мордовиянь Госсобраниянь Председательсь Владимир Чибиркин и республикань Правительствать Председателенц полафтыец Батыр Эмеев.
Мордовия Республикань Оцюнять пресс-службац