«Фарма 2030» учрежденнай стратегиять коряс уже кота кизода меле российскяй препаратонь пяшксе циклань долясь должен касомс отечественнай рынкаса 70 % - ти. Прявкс трендтнень ёткса –импортонезависимость лангс курссь, инновационнай препаратонь нолдамась и биотехнологическяй эхянь од решениянь тевс нолдамась. Успехонь ключевой факторсь тянь эса – фарминдустриянь передовикнень региональнай власть мархта покодемасна.
Лятфтасаськ, што Мордовияса ащи инь оцю «Промомед» компаниянь группань предприятиясь. «Биохимик»-сь – отраслянь лидерхнень ёткста фкясь. Компаниянь группать портфелец лувонды 300 наименованияда лама лекарственнай препарат, 80 % синь эздост сувсихть эряфонди эрявикснень ёткс.
«Фармацевтикань темась тяни таколфтсыне сембонь, сяс мес тя минь независимостенеконь и суверенететонеконь касомань точкац», - китькстазе Мордовиянь Оцюнясь.
Ульсь китьксташ, что «Промомед»-сь – региононь инь оцю инвесторхнень эзда фкясь, оцю работодатель и налогоньпанды, фкясь инь оцю высокопроизводительнань кадрань Н.П. Огарева лемса МГУ-ста заказайсь. Тяни республикав, именна «Биохимик»-ти, сашендыхть покодема цебярь специалистт Москвуста и лия регионста.
«Минь ладяф цебярь взаимодействиянеке, - мярьгсь Артём Здунов. – Мезе тейнек эряви кеподемс? Кадрань анокламать, и минь тянь лангса покодттяма университетть мархта уже кунара – тифт кафта лабораторият «Биохимик»-ть видеса вузть базаса, сяс мес университетфтома аф кармай товолдонь виензама».
Мордовиянь Оцюнясь лоткафтозе ванфонц сянь лангса, мезе регионц тиенди фармкомпанияти. Васенцексс, максси пара инвестиционнай климат. Коллаборациясь ладяф и кадрань анокламаса, конац мольфтеви, ушедомок идень садста, и кели исследованиянь ётафтомаста. «Приоритет 2030» программаса Н.П. Огарева лемса МГУ-сь и компания «Промомед» компаниясь тяфта жа примсихть участия марс.
Теснай взаимодействиянь кепотьксоньди республикань власть мархта ГК «Промомед»-ть директоронь советть председателец Петр Белый азондсь Кубаса аф кунардонь ситуациять колга, мзярда сонць Регионтть Оцюняц тердезе сонь содамс кубинскяй коллегатнень опытснон мархта онкологическяй вакцинань тиемать коряс: «Аф минь звонцетяма Артём Алексеевиченди эняльдема мархта кирдемс минь, а Республикань Оцюнясь содаса и максси тейнек эрь кодама возможностть. Вага тяфта тя покоди. Оцю сюкпря!»
Тяфта жа спикеркс сессияса выступандасть Россиянь мишендемань и промышленностень министрть полафтыец Екатерина Приезжева, ПАО «Сбербанк»-ть управляющай директороц, шумбрашинь индустриянь центрань директорсь Сергей Жданов, «Сколково» Фондтть биологическяй и медицинскяй технологиянь центрать директороц Камила Зарубина и АО «Газпромбанк»-ть васенце вице-президентоц Денис Шулаков. Участникне корхтасть Россиянь фармацевтическяй рынкать мекольце кизонь полафтоманц колга, вызофнень, конатнень мархта васьфни отраслясь, и стимулхнень сонь научнай и технологическяй потенциалонц виияфтоманцты.
Мордовия Республикань Оцюнять пресс-службац