2 февральста Мордовиянь Оцюнясь Владимир Волков примась участия региононь прокуратурать коллегиянц работаса, конань пингста корхтафоль ведомствать 2016 кизоня работанц и сяда товолдонь планонзон колга.
«Васендакиге отмечаса, што меля прокуратурась активнайста пяшкотькшнезень эсь основной задачанзон, мезть мархта путсь няеви путкс социально-экономическяй полафтксненди, - марьгсь В.Д.Волков. – Лангс лихтьфоль закононь колсемань 27 тежянь случай. Республикасонк властень оргаттнень и прокуратурать еткса ладяфт марстонь работань соткст. Тякось поладома и 2017 кизоня».
Отмечафоль, што оперативнай обстановкась Мордовияса 2016 кизоня ульсь стабильнай и кирдевсь контроль ала. Лангс лихтьфоль 8510 преступления – мекольце колма кизоста тя сембода емла показательсь. 2015 кизоть коряс синь лувкссна кирсь 7,5 процентта. Преступностсь республикаса лядонды сяда емлакс средняйста Россияса и ПФО-нь региоттнень эса показателензон коряс.
Цебярьста полаткшневи организационнай преступность каршес тюремась. Пяк важна, што аф локафневи, а, меколанкт, виияфневи етай кизонь оцю преступлениятнень ораткшнемаснон коряс работась, ламоцне конатнень эзда канневихть стакатненди и башка стакатненди. Наказакшневихть ОПГ-тнень членцна. Стане жа путневи задача сяда тов персемс кить преступнай группировкатнень пуропнемаснонды», - мярьгсь Мордовиянь Оцюнясь.
Башка вастса ащи коррупциять каршес тюремась. 2016 кизоня республикань прокуратурась активнайста работась бюджетнай средстватнень аф правомернай карьхцендакшнемаснонды кить персеманц коряс.
Оратф 350 коррупционнай преступления, тяка лувксса взяточничествань 126 случай. Срхкафтфтольхть уголовнай тефт аф добросовестнай чиновникнень и првоохранительнай органонь сотрудникнень каршес.
Вятеви активнай законотворческяй работа. Аньцек меля коррупциять каршес ащемань кизефкснень коряс примафт Мордовия Республикань 3 Закотт и республикань Оцюнять 13 указонза. Сембоц антикоррупционнай кизефкснень коряс правовой базась лувонды сядода лама документ.
Антикоррупционнай законодательствать колсеманкса пингта инголе лоткафт полномочиясна местнай самоуправлениянь представительнай органонь 30 депутатть, тяка лувксса Саранск ошень округонь. Эстеест довериять юмафтоманкса увольняндафт велень поселениянь кафта оцюнятне и районнай администрациянь оцюнять фкя заместителец.
Коллегиять пингста азфоль таколдома общественнай васттнень эса тиендеви преступлениятнень лувксснон касоманкса – 29 процент. Марстонь лувкссна 2016 кизоня кассь 12,5 процентта. Преступлениятнень лувкссна, конат тифтольхть ульцяса, кассь пцтай 20 процентта.
«Тяфтама ситуациясь эвондафни пелема граждаттнень ширде. Тейнек аф нолдама «лихой 90-це кизотнень» оду мрдамасна, мзярда ломаттне пельсть ульцяв лисемаснон. Тейнек марса тиема сембось, штоба кирьфтамс преступностть социальнай базанц. Тя марстонь задача, и решандамс сонь должетт властень сембе оргаттне. Сяс тейнек кирдема фкя-фкянь мархта кеме соткст, - мярьгсь Мордовиянь Оцюнясь. – Эрявиксокс лядонды правонарушениятнень профилактикасна, башка подросткатнень еткса».
Башка контроль ала лядонды трудовой и социальнай законодательствать аф колсеманц мельге ваномать коряс работась, тяка лувксса трудть, пенсиянь и пособиянь пандомань кизефксса.
Мордовиянь Оцюнясь шарфтозе прокуратурань работникнень мяльснон социальнай ширде эрявикс товархнень лангс питнетнень мельге ваномати. Башка китькстазе контрафактнай продукциянь оборотть каршес тюремать виияфнеманц эрявиксшинц, тяка лувксса поддельнай алкогольнай продукциясь и лекарственнай средстватне. Важнай кизефкссь – тиемс условия бизнесть безопаснай работанкса, собственностень сембе форматнень араламанкса. Дополнительнай вийхть веши экономическяй и налоговай преступлениятнень лангс лихнемасна и орадомасна. Башка мяль шарфтома терроризмать и экстремизмать каршес ащемати.
Стане жа Владимир Волков лоткась жилищно-коммунальнай хозяйстваса уликс прябалатнень, коммунальнай услугатнень лангс питнень латцемста нарушениятнень, аварийнай эряма вастста граждаттнень етафтомаснон, капитальнай ремонтонь фондста средстватнень законц коре карьхцямаснон, футболть коряс миронь чемпионатонь объекттнень, социальнай сембе объекттнень, транспортть, энергетикать и лама ломанень пуропни мероприятиятнень антитеррористическяй аралафшиснон лангс. Тя и ламоц лия прябалатне арсихть сядонга пичефтикс 2018 кизонь футболть коряс миронь чемпионатть етафтоманц карша.
«Башка мяль шарфтома управляющай компаниятнень шумоснон лангс. Синь улемасна ни должен арамс туфталкс проверкатненди. Минь содасаськ, што должностной лицатнень, управляющай компаниятнень и обслуживающай организациятнень аф добросовестнайста обязанностьснон пяшкотькшнемасна пачфни зиянц. Сяс фалу тиендемат проверкат граждаттнень эрямань условияснонды, газовай, отопительнай, лифтовой оборудованиять парста работанцты», - поладозе Мордовиянь Оцюнясь.