Мордовиясь эрязста покоди ведень ресурсонь петемань и ванфтомань сфераса. «Экология» президентскяй нацпроектть коряс ульсь урядаф Саранкать 6 вайгяльбец и Мокшеть 17 вайгяльбец. Инголи моли аськолксса урядавихть Тавлать беряконза – 3,4 вайгяльбе и Левжать – 2,5 вайгяльбе.
Тяниень пингть мольфтеви покодема проектнай документациять коряс Инсар ляйть урядаманц коряс Саранскяйса, покодематне ушедыхть сай кизоть.
Мольфтеви сяда тов гидротехническяй сооружениянь петемась.
Мордовия Республикань Оцюнять пресс-службац