Ульсь Мордовиянь Оцюнять Владимир Волковонь рабочай васедемац МР-ть эзга УФСБ-ть вятиенц Андрей Акулининонь мархта. Корхтафоль федеральнай ведомствать и субъектонь высшай исполнительнай властень оргаттнень марстонь работаснон колга.
Шарфтфоль мяль 2018 кизонь футболть коряс миронь чемпионатти анокламати, инжихнень и участникнень безопасностьснон лангс.
Тяда башка, кепсевсь кизефкссь велень хозяйствань проектонь кредитованиянь программать республикаса эряфс етафнеманц коряс. Тяка лувксса ушеткшни фермерхненди лездомась.
Владимир Волков и Андрей Акулинин корхтасть экстремизмать каршес тюремать колга, азфтольхть мероприятиятне, конат водендафт тянкса.
Лама корхтафоль малаткшни илатнень – Од кизоть, Роштувать, Кльхченять пингста граждаттнень безопасностьснон обеспечендаманц колга.
Мордовия Республикань Оцюнять Пресс-службац