Мордовиянь Оцюнясь Владимир Волков етафтсь рабочай васедема «Оптикэнерго» компаниянь группать руководстванц – Директоронь советть председателенц Эвир Боксимеронь и генеральнай директорть Михаил Боксимеронь мархта. Корхтамась мольфтевсь компаниянь группать предприятиянзон виияфнемаснон колга, тяконь лувксса и кабельнай производствать.
Республикань Оцюняти пачфтьфоль сянь колга, кода мольфтеви «Сарансккабель-Оптика» заводса од цехть строямац, коса кармай нолневома автомобильнай радиаторонди, кондиционеронди и кельмофтемань системанди алюминиевай и сталень трубкатнень коряс импортонь полафни продукция, а стане жа компьютернай сеттненди кабельхть и волоконно-оптическяй кабельхть. Китькстафоль, што тя цехть тевс нолдаманц мархта волоконно-оптическяй кабелень производствась предприятияса касы 30 процентта. Тяка пингть отмечафоль, што 2018 кизоня тяфтама кабелень нолдаманкса «Сарансккабель-Оптика» заводсь рамай 200 тежятть километра оптическяй волокна, кона нолдави «Оптиковолоконные системы» Саранскяень предприятияса. Од цехть арьсекшневи сувафтомс тевс 2019 кизоть васенце кварталстонза.
Сай кизоть омбоце кварталстонза панжеви од цех компаниянь группать лия заводсонза – «ЭМ-КАБЕЛЬса». Ня кафта производственнай площадкатнень тевс сувафтомасна лезды панжемс 300 рабочай васта. Тяниень пингть компаниянь группать предприятиянзон эса работай 1,5 тежянь ломань.
Стане жа Владимир Волковонди пачфтсть Ромоданова поселкаса «Новомед» медицинскяй центрать филиалонц панжеманц колга. Райононь эряйхнень тяни ули возможностьсна, аф сашендомок Саранскяи, получамс лабораторно-диагностическяй услугатнень и специализированнай медицинскяй лезкс.
Мордовия Республикань Оцюнять пресс-службац