28 сентябрьста Мордовиянь Оцюнясь Владимир Волков етафтсь совещания «Талина» компаниянь Группать виияфнеманц мархта сотф кизефкснень коряс. Корхтафоль республикать территорияса Россиянь фкя инь оцю агропромышленнай холдингть од проектонзон эряфс етафнемаснон колга.
Совещаниять панжемста Мордовиянь Оцюнясь отмечазе, «Талинась» - Россиянь производствань пяшксе циклань передовой аграрнай холдинг, конань предприятиянзон эса республикаса трудендай 3,8 тежянь ломань. «Агрохолдингть работанц виияфнеманц эзда ламода ащи республикань марнек агропромышленнай комплексть работац, тя эряви муниципальнай райоттнень экономикаснонды, од, цебярь зарплата мархта рабочай вастонь панчсеманкса», - мярьгсь Владимир Волков.
Совещанияса лама корхтафоль холдингть виияфнеманц колга, тяконь лувксса тяниень пингонь и экологическяй ширде ару технологиятнень тевс нолнезь од предприятиятнень строямасна и од рабочаф вастонь панчсемась. Корхтафоль «Талинать» сембе ширде виияфнеманц колга – тя комбикормовай производствась, свиноводствась, первичнай мясопереработкась, колбаснай продукциянь анокламать коряс производствась.
Азсаськ, што 2010 кизоста сявомок «Талинась» сувси Россиянь эффективнай землепроизводительхнень еткс, «Росбизнесконсалтинг» информагентствать мяленц коряс, и сувси тувонь сиволень 20 инь оцю производительхнень лувксс, кода лувозе Россиянь тувонь кирниень Национальнай союзсь. «МПК «Атяшевский» ООО-сь («Талина» ГК-ть мясоперерабатывающай фкя инь васенце предприятияц) производствань объемтнень коряс сувси странаса лидерхнень еткс. Тячиень шити «Талина» компаниянь Группась сяда тов
етафнесы эряфс модернизациять и 240 тежянь тоннат колбаснай продукцияс кизоти мясоперерабатывающай мощносттнень касфнемаснон коряс проектть.
Мордовия Республикань Оцюнять пресс-службац