Сочиса Российскяй инвестиционнай форумть рамкаса Мордовиясь кемокстась сотрудничендамать колга колма ширдень соглашения «Росконгресс» фондть и «Ассоциация юристов России» общероссийскяй общественнай организациять мархта. Документть алу кяденц путозе Мордовиянь Оцюнясь Владимир Волков.
Соглашениять коряс ширетне кармайхть вятема марстонь работа экспортнай потенциалть и инвестиционнай мялень шарфнемать касфнемаснон коряс.
Тяниень пингть республикаса касонды аф сырьевой экспортсь. 2018 кизоня экспортонь объемтне арасть 275 миллион доллар, мезсь 28 процентта сяда лама 2017 кизоть коряс. А мекольдень вете кизоста экспортсь Мордовияса кассь нилень-крда – 2014 кизоня 4 ,3 миллиард цалковайста сявомок 2018 кизоня 17,2 миллиард цалковайс молемс.
«Высокотехнологичнай продукция пачфневи ичкоздень и маластонь омба мастору: «Рузхиммаш» АО-нь машина кинь ваготтне – Ирану, Белоруссияв, Казахстану, «Плайтерра» ЗАО-нь фанератне – США-в, Литвав, Германияв, Австрияв, «Хелиос-Ресурс» ООО-нь кремниевай мультикристалическяй пластинатне – Китаю, «Оптоволоконные системы» АО-нь оптическяй волокнась – Австрияв, Великобританияв, Чехияв, Польшав и лия странав. Тяка пингть экспортонь географиясь коль келемкшни. 2018 кизоня товархне, конат аноклафт республикаса. Пачфневсть мастор лангонь 65 странав», - отмечазе Мордовиянь Оцюнясь Владимир Волков.
«О национальных целях и стратегических задачах развития на период до 2024 года» Российскяй Федерациянь Президентть Указонц пяшкотькшнеманкса республикаса учендови, што промышленнай продукциять экспортоц касфтови кафтонь-крда, АПК-нь продукциять – 3,9-крда, услугань экспортсь – 1,8-крда.
Мордовия Республикань Оцюнять пресс-службац