Мордовиянь Оцюнясь Владимир Волков примай участия XVIII Российскяй инвестиционнай форумть работаса, кона кармай Сочиса 14-15 февральста.
Лятфтасаськ, форумсь эрь кизоня етафневи Российскяй Федерациянь Правительствать ширень кирнеманц вельде и пуропни участникт аф аньцек Россияста, но и омба масторонь странатнень эзда. Тядде сон лемтьф «Национальные проекты: от стратегий к действию» темати.
Форумть деловой программац явфтови колма тематическяй пяльксова: «Региональная политика: отвечая на вызовы», «Новая социальная повестка», и «Деловой климат в России. На пути к росту».
Форумть работанц рамкаса Мордовиянь Оцюнясь Владимир Волков етафты рабочай васедемат властень федеральнай органонь и бизнес-сообществань представительхнень мархта. Стане жа учендови, што кемокстави сотрудничендамать колга несколька соглашения.
«Сочинскяй форумсь арась площадкакс, коса няфневи региоттнень инвестиционнай и экономическяй козяшисна и латцевихть деловой од соткст, - отмечазе Владимир Волков. – Кеман, што работась тя площадкаса лезды кемокстамс сотрудничендамать деловой партнерхнень мархта, касфтомс республикать лангс инвесторхнень ширде мялень шарфнемать».
Мордовия Республикань Оцюнять пресс-службац