МР-нь Оцюнясь етафтсь рабочай васедема республикань промышленниконь и предпринимателень Союзть председателенц Виктор Бирюковонь мархта. Корхтафоль объединениять работанц колга, кона шарфтф регионть экономиканц виияфнеманкса эрявикс условиянь тиендемати, населениять эряфонц кувалгофтоманцты, социально-экономическяй ширеса партнерскяй соткснень кемокснемаснонды.
Виктор Бирюков пачфтсь республикань Оцюняти комиссиянь республиканскяй объединениять пуроптоманц колга. Тяфта, пуроптфт комиссият внешнеэкономическяй тефнень, финансовай, страховой, лизинговай и аудиторскяй работать, а стане жа емла и средняй бизнесть кооперацияснон коряс.
16 декабрьста Виктор Бирюков Россиянь промышленниконь и предпринимателень союзть эзда российскяй делегациять составса примай участия Российско-Японскяй Бизнес-диалогть эса. Тя пяк эрявикс мероприятия кода кафта странатнень экономическяй сотрудничестваснон виияфнеманкса, стане и региоттнень инвестиционнай ширде мялень шарфнемаснон касфнеманкса. Япониянь бизнес-сообществать мархта деловой васедемать рамкаса Виктор Бирюков няфтьсы Мордовия Республикать.
Республикань Оцюнясь тага весть китькстазе, што Мордовияса аф кальдяв инвестиционнай климатсь, работай инвесторхненди льготань макссемань механизмась, кона водендаф регионца работаманди цебярь условиянь тиеманкса. Тянь вельде мекольдень несколька кизотнень Мордовияса эряфс етафтф вииякшнемань 200-да лама проект, экономикати поступась 200 миллиард цалковай. 2015 кизоня инвестиционнай условиятнень коряс национальнай рейтингса республикась сувась странань 20 инь цебярь региоттнень еткс.
Мордовия Республикань Оцюнять Пресс-службац