Мордовиянь Оцюнясь Артём Здунов 4 июньста васьфтьсь Зубово-Полянскяй райононь эряень инициативнай пуромксть мархта. Кизефкссь, конань мархта сасьть республикань руководительти, токсезе ТКО-нь тевс нолдамать коряс проектть – корхтамась моли арьсеви мусоросортировочнай станциять Аким-Сергеевка и Од Выселкат населеннай пункттнень ёткса строяманц колга.
Лятфтасаськ, Россиянь Президентть Владимир Путинонь мяленц коряс Россияса моли реформа лядыксонь обращениять коряс. 2030 кизоти ащи задача сортировандамс 100% лядыкс и нолдамс тевс одукс - 50%. Комплекснай обращениясь ТКО-ть мархта – сембе странань экологияти важнай составляющай.
Мордовиясь арась васенце региоттнень эзда фкакс, конат ётасть лядыксонь обращениять мархта од система лангс – тяни ТКО-нь услугать коряс фатяф 96% республикань населения.
Мордовиясь васенце ниле странань региоттнень ёткса, пялькстомаса сяськозь, маштсь тердемс 1,2 млрд федеральнай средствада инновационнай мусоросортировочнай комплексонь лядыксонь обработкать коряс альтернативнай топливань нолдамать коряс, мезсь максы возможность нолдамс тевс одукс аф 180 тежянь тоннада кръжа ТКО-да кизоти. Тяфта жа кармай строяф од полигон, сяс мес вийсна улихнень - машнихть.
Основной объектсь строяви республикань Лямбирскяй районса, кафта межрайоннай мусоросортировочнай станциятне арьсеви путомс Зубово-Полянскяй и Краснослободскяй райоттнень эса.
Зубу аймаконь Аким-Сергеевка велень эряйхнень эзда стаки сашендыхть пшкядемат мусоросортировкань станциять строяманц лоткафтоманц коряс. Кода китькстазь инициативнай пуромксонь преставительхне Вячеслав Афанасов, Оксана Баева и Александр Саминин, велеряйхне пелихть, што станцияда меле тяса появай и мусоронди полигон.
Республикань Оцюнясь мярьгсь, што полигон тяса тиевома аф кармай. Эксперттнень оценкаснон коряс, мусоросортировочнай станциять тевст нолдамац аф аф пъкяйгофтсы атмосфернай кожфть уровененц, аф кармай мешама кашторфса и аф максы аф цебярь влияния велеряйхнень эрямань условияснон и перьфпяльть лангс. ТКО-нь одукс тевс ётафтомать коряс объектть Зубово-Полянскяй районса строительстванц колга решениясь ульсь примаф кизоти сай ТКО-нь анализонь учетть мархта, транспортонь сатомашить, логистическяй составляющяйть лядыксонь кочкамать и лихтемать пингста.
Васедемаса, коса примасть участия Мордовия Республикань Оцюнять Администрациянц и Мордовия Республикань Правительствать руководителец Булат Хайрутдинов, вице-премьерхне Инсаф Хайруллин и Раиса Цыбизова, МинЖКХ-нь, Минлесхоза-нь представительхне, Зубово-Полянскяй райононь администрациясь, корхтасть уликс варианттнень колга кизефкть пяшкодемаса. Синь ётксост Мордовиянь Оцюнясь мярьгсь анокламс компенсирующяй мероприятиянь механизмат мусоросортировочнай станциянь строямань пингть.
Мордовия Республикань Оцюнять пресс-службац