Седи ваксста илафттядязь тонафтыень Шить мархта!
Валдтт и мудрайхть, ответственнайхть и фалу анокт самс лездома, креативнайхть, терпеливайхть и тевонь содайхть. Тяфтапт синь – минь учительнеке.
Мордовиянь педагогне фалу Россияса инь цебярьхнень ётксот. Тя лац няеви ученикнень сатфксснон и сяськомаснон коряс эрь кодама олимпиадаса и пялькстомаса. Тинь лездтада идтненди мумс виде эряфонь кить, тонафнесаентть улемс валда ваймокс, честнайкс, касфнетяда эздост афкуксонь Россиянь патриотт.
Образованиянь сферань кирдемать лангс фалу шарфневи оцю мяль. Республикаса путневихть и петневихть школат, панчсевихть «Касомань точкат» и кванториупт. Тя кизоть «Беспилотные авиационные системы» од президентскяй проектть видеса ламоц Мордовиянь школатнень эса тифт профильнай класст. Минь и сяда тов карматама тиендема семботь, штоба идтне сявондельхть тяниень пингонь и цебярь образования.
Сюкпря теентть тевонь содаманттень инкса и тевонттенди кельмань ванфтоманкса! Арьсян шумбраши, паваз и вестенге аф машни од мяльхть-арьсемат!
Мордовия Республикань Оцюнясь А. Здунов