Тячи, мяляфтомань и ризнамань Шиня, минь нолясайнек прянеконь миллион соотечественниконеконь мялямснон инголе, кинь эряфснон сявозень Великай Отечественнай войнась.
Родинать аралама стясь сембе ламанациональнай народнеке. Мордовияса шачихнень мужествасна и героизмасна, синь кемоста ащемасна и эсь прянь аф ужяльдемасна фронтса и тылса фалу лядыхть минь тейнек аф мяндеви волянь и эсь странань пефтома кельгомань кепотьксокс.
И тячи, мъзярда Россиясь тага ащи видешить и справедливостть араламанц инкса, минь мяляфтсайнек алянеконь и атянеконь заветснон : улемс виикс и фкакс эрь кодама върьгятемать инголе.
Вечнай мялям геройхненди! Вечнай слава сяськихненди!
Мордовия Республикань Оцюнясь А. Здунов