Мордовиянь Оцюнять тевонзон тиендисна Владимир Волков примась участия первомайскяй торжестватнень эса и казезень трудовой соперничествань сяськихнень

Мордовиянь Оцюнять тевонзон тиендисна Владимир Волков примась участия первомайскяй торжестватнень эса и казезень трудовой соперничествань сяськихнень

1 майста Саранскяйса ульсь митинг-концерт, кона етась «Достойнай работанкса, зарплатанкса, эряфонкса!» девиз ала. Пуромксть арьсиец Мордовия Республикань профсоюзонь Федерациясь. Мяльть ширец киртьфоль «Тундань и Трудонь Праздникти лемтьф республиканскяй мероприятиятнень етафтомаснон колга» МР-нь Оцюнять Указонц мархта, конань эряфс етафнеманц рамкаса сембе республикать келес етафтфтольхть аф фкя лацонь акцият, фестивальхть, шествият, митингт и народнай гуляният.

Первомаень шиня Мордовиять столицанц главнай площаденц лангс лисендсть ошень инь оцю предприятиятнень, культурань, здравоохранениянь, образованиянь учреждениянь представительсна. Васенце колоннась, конань вятезь профсоюзонь работникне и активсь, састь Советскяй площади «Электровыпрямитель» ОАО-нь духовой оркестрать мораманц коряс. 10 тежянень митингть панжезе Мордовия Республикань профсоюзонь Федерациять председателец Мария Голиченко. Сон поздравляндазень пуромфнень Тундань и Трудонь илать мархта и китькстазе, што профсоюсненди сон ингольцекс лядонды Трудендайхнень фкя мяльс самаснон международнай шикс.

Меле митингонь участникнень приветствондазень Мордовиянь Оцюнять тевонзон тиендисна Владимир Волков. Владимир Дмитриевич отмечазе, што сон пара мяльса няйсыне тячи и производствань передовикнень, и рабочай династиятнень, трудонь ветераттнень и од ломаттнень. Владимир Волковонь валонзон коряс, кие кельгсы и машты трудендама – республикать гордостец и козяшиц. «Мялезе башка китькстамс – минь неженьке Россиянь Президентть Владимир Путинонь личнай и пяк питни лезксоц! Тейнек пяк важнай Президентть тяфтама доверияц, и минь тисаськ семботь, штоба пяшкодемс сонь. Минь народоньке трудонь кельги, машты арьсефть сатнемонза. Афкуксонь геройхне эряйхть етксонк – тя тинь, сембе, кие сась тя площадти. Коллеганте, ялганте, радня ломаненте», - мярьгсь Мордовиянь вятись.

Торжествать рамкаса максфтольхть переходящай Якстерь знамятне организациянь коллектифнень Республиканскяй трудовой соперничестваснон сяськиснонды, конат сатсть инь оцю производственнай результат 2016 кизоня. Шумордавсь мероприятиясь «Умарина» кштимань и морамань ансамбльть выступлениянц мархта. Мероприятиять эса стане жа примасть участия «Единая Россия» Всероссийскяй политическяй партиясь, ОНФ-сь, «Молодая гвардия» и лия партиятне и общественнай организациятне.