19 январьста Мордовия Республикань Правительствать Председателец Владимир Сушков етафтсь выездной совещания , конань пингста корхтафоль Саранскяень аэропортонь комплексть 2018 кизонь футболть коряс миронь чемпионатти анокламанц квалма.
Корхтамаса участия примасть: воздушнай транспортонь Федеральнай агентствать вятиенц заместителец Константин Махов, «Администрация гражданских аэропортов (аэродромов)» ФГУП-ть генеральнай директоронц тевонзон тиендисна Юрий Жирков, «Организационный комитет «Россия-2018» АНО-нь обособленнай подразделениять вятиец Денис Брагин, подряднай организациятнень - «Ирмаст-Холдинг» АО-ть и «ДАРС-Строительство» ОАО-ть вятисна Дмитрий Лебедев и Сергей Седов, «Ленаэропроект» ОАО-ть главнай инженеронц заместителец Борис Фетисов, Мордовия Республикань Правительствань члеттне, Саранск ошень округонь администрациянь вятихне и лият.
Республикань Оцюнясь Владимир Волков аф весть шарфнесь мяль аэропортонь комплексть реконструкциянц коряс проектть эряфс етафнемаса прябалатнень лангс, конат решандамат кода можна сяда курокста.
Совещаниять пингста ванфтольхть инь главнай кизефксне объектть миронь чемпионатти анокламанц коряс, корхтафоль 2017 кизонди строительнай и инженернай работатнень квалма, максфт порученият.
Кода содаф, строямать ушедомста эвондасть прябалат графикти кирдемать коряс, конат сотфтольхть аф добросовестнай подрядчикть мархта. Тяни аэропортонь комплексть реконструкциянц мархта заняфт лия организацият – «Ирмаст-Холдинг» АО-сь и «ДАРС-Строительство» ООО-сь. Полафтомась кандсь цебярь результатт. Улихть нинге кой-кодама сталмот, но синь аф сяшкава оцюфт.
Тячи шарьхкодевомшкат инголи аськолксне реконструкциянь кода федеральнай, стане и региональнай пяльксть коряс. Графикс коре работамась сатневи объектса дополнительнай рабочай сменать водендаманц вельде.
МР-нь Правительствать Председателец Владимир Сушков китькстазе, што главнайсь – обязательстватнень контрактс коре и эсь пингстонза пяшкодемасна.
Реконструкциять шумордамда меле Саранскяень аэропортсь лиендематнень безопасностьснон коряс кармай отвечама сембе мировой стандарттненди, тяса ули кода примсемс Boing 737, Airbus самолеттнень и синь лацост лия воздушнай суднатнень.
Мордовия Республикань Правительствать Пресс-службац