6 июньцта, Москуву рабочай поездканц пингста, Мордовиянь Правительствать Председателец Владимир Сушков етафтсь несколька рабочай васедема федеральнай министерстватнень эса.
РФ-нь здравоохранениянь минстрть заместителенц Наталья Хоровойть мархта корхтафоль Саранскяйса Волгоградская ульцяса фкя сменаста 500 посещениянди идень поликлиникать и ошть юго-западнай районцонза сменаста 300 посещениянди республиканскяй онкологическяй поликлиникать строямаснон колга.
Шарфтфоль мяль 2017 кизоня Мордовияв скорай медицинскяй помощень автомобилень пачфтемати.
РФ-нь образованиянь министрть заместителенц Ирина Кузнецовать мархта васедемать пингста башка мяль шарфтфоль Краснослободск ошса школать строяманцты.
Тяка шиня, Мордовиянь Оцюнять аф лама пингс тевонзон тиендиснон Владимир Волковонь поручениянц коряс Владимир Сушков примась участия Российскяй Федерацияса региональнай касомать-вииякшнемать коряс Правителственнай комиссиять заседанияса, кона етась РФ-нь Правительствать Председателенц заместителенц Дмитрий Козаконь председательстванц ала.
Заседанияса корхтафоль региоттненди федеральнай бюджетста дополнительнай лезксонь максомать колга.
Мордовия Республикань Правительствать Пресс-службац