Обсуждениянь прявкс темакс арась мордовиянь промышленности кадрань анокламась.
Артём Здунов китькстазе, што республикась лац виензакшни: стабильна касыхть инвестициятне основной капиталти – странаса тя направлениять коряс минь инь цебярь полафксонеке, цебярьхть показательхне ноляви продукциять отгрузканц коряс. Приоритетнай направлениякс лядондыхть: промышленнай секторть трудовой ресурса пяшкодемац, инфраструктурань тиемась, особай экономическяй зонать виензамац и пяшкодемац.
Мордовиянь Оцюнясь лоткась кадрань кизефксть лангса. «Странань руководствась корхтай сянь колга, што ситуациясь кадрань сфераса аф полафты цебярь ширети, къда аф покодемс покодемань производительностть, переподготовкать мархта. Аф карматама сепома, минь Мордовияса, ломаньда сатомшка. Но коса синь работайхть? Кодама зарплата лангс? Зарплатась сидеста аф оцю, но ломаттне аф эряскодыхть тумс. Стратегическяй кизефкссь: кода тянь сяськомс? Арьсян, обязательна должен улемс ломанень переток отрасляста отрасляв», - мярьгсь республикань руководительсь.
Тяфта жа ульсь китькстаф: Мордовиянь предприятияса касы заработнай платась,тиендевихть покодеманди пара условият. «Теентть ули мезе максомс потенциальнай покодихненди», - пшкядсь Мордовиянь Оцюнясь промышленникненди.
Промышленниконь и предпринимателень Российскяй союзть региональнай виензамань Управлениянь Вице-президентсь-Управляющай директорсь Сергей Мытенков китькстазе: РСПП-нь мокшэрзянь отделениясь – инь цебярьсь странаса. Сон сюконясь регионтть руководстванцты цебярь бизнесонь виензаманди условиянкса и особай экономическяй зонань тиемакса.
РМ-нь экономикань, мишендемань и предпринимательствань министрсь Иван Горин азондозе, што республикась ВПР-ть касоманц коряс ПФО-са ащи васенце вастса и омбоцеса марнек странаса. 2023 кизонь итокнень коряс ульсь няфтьф 12 кизоста инь цебярь динамикась основной капиталти инвестициянь касомать коряс. Тянди лезды бизнесонь кирдемань мератне, конат улихть республикаса.
Сон тяфта жа няфтезе промышленникнеди Мордовиять Инвестиционнай картанц. Сонь эсонза ули сембе информациясь региононь инвестиционнай площадкатнень, особай экономическяй зонать и ТОР «Рузаевка»-ть, ули инфраструктурать, инвесторохненди возможносттнень колга. Ульсь китькстаф, што Инвесткартать даннаензон цебярьгофтоманц коряс предложениять могут сувафтомс кода бизнести, тяфта и региононь ВУЗ-ненди.
Кадровай политикань сфераса ситуациять колга докладонц мархта выступандась РМ-нь социальнай араламань, покодемань и населениянь занятостень министрсь Игорь Князьков. ООО УК ОЭЗ «Мордовия»-ть Генеральнай директороц Павел Рыков азондсь особай экономическяй зонать виензаманц колга. «Система» промышленно-производственнай типонь особай экономическай зонась республикаса тиф 2022-2026 кизотнень Мордовия Республикань социальна-экономическяй виензамань Программать видеса, РФ-нь Правительствать мархта тяшкстаф Президентть поручениянц коряс. Ётай ковста тиф пяк лама: кафта резиденттне уже ушедсть покодема – ООО «НК-Индустрия» индустриальнай резидентсь и ООО «Завод световых приборов». Нинге колмотне – етнихть регистрационнай тефт и вятихть проектонь разработкат.
Тяниень пингть инвестпроектонь эряфс ётафтомать коряс ули договоренность 12 потенциальнай резидент мархта марстонь инвестициянь 37 млрд цалковайда лама марстонь объёмса и 1140 лама од покодемань вастонь тиема мархта. Тя медицинскяй клянцеконь нолдамать коряс, водороднай технологиянь и водороднай энергетикань оборудованиянь сфераса, малотоннажнай химиянди «контейнер-заводов» и лия проекттне.
Н.П. Огаревонь лемса МГУ-ть ректороц Дмитрий Глушко и Мордовиянь промышленниконь и предпринимателень Союзть председателец, ГК «Талина»-ть гендиректороц Виктор Бирюков тяфта жа токазь регионтть бизнезонцты кадрань анокламань темать и ВУЗ-ть мархта экономикань реальнай секторонь предприятиятнень марс покодемаснон эрявикс шинц.
Мордовия Республикань Оцюнять пресс-службац