Никита Николаевич шачсь 1993 кизоня. 2016 кизоня шумордазе Н. П. Огаревонь лемса МГУ-нь «Юриспруденция» специальностть коряс бакалавриатть, сяльде – магистратурать. Вузда меле покодсь государственнай службань Управленияса местнай самоуправлениянь оргаттнень мархта покодемать коряс отделса консультантокс, тяфта жа покодсь Мордовия Республикань Главать администрацияса и Мордовия Республикать Правительстваса. 2022 кизоня ульсь путф МР-нь од ломанень политикань спортонь Министрти полафтыкс, 2023 кизоня – Мордовия Республикань Правительствать Председателенц Секретариатонцты руководителькс.
Од должностьса Никита Ларьков кармай мольфтема республикань спортонь сферань касфтомань-виияфтомань кизефкснень.
«Никита Николаевич мархтонок лац работай кунара, кочкаф опытоц сатомшка. Задачатне инголенза ащихть келихть: инфраструктурань тевс нолдамась и сонь состояниянц мельге ваномась и спортонь объектнень тевс нолдамасна – сон должен улемс экономикань ширде лац арьсеф. Мекольце кизотнень республикаса минь лама строяме, аделаме строямс и одкстопфтоме. Тя сембось эряви нолдамс тевс! - китькстазе Артём Здунов. – Башка ванф эряви максомс массовай спортть виияманцты-касоманцты. Тя тема кайгсь Президентть посланиянц пингста – тейнек эряви улемс тя направленияса васенце рядтнень эса, тянь эзда сембе аньцек сяськихть. Спортонь министерстваса покодемась – тя аф аньцек оцю спортонь сатфкснень колга, тя васенцекс массовай спортсь, ломанттнень шумбрашисна и экономикась».
Мордовия Республикань Оцюнять пресс-службац