Тяфтама распоряжения тяшкстась премьер-министрсь Михаил Мишустин. Документсь ульсь примаф Президентть поручениянц видеса, конань государствань главась максозе стратегическяй касомань-вииямань и национальнай проекттнень коряс Советть заседаниянц итогонзон коряс, конац ётась 2022 кизонь декабрьста.
Лятфтасаськ, школась 600 вастс строяви од микрорайонса, ограниченнай Косарева ульцять и Северо-восточнай шоссеть мархта. Зданиясь кармай ащема кафта тяниень пингонь корпусста: начальнай и старшай классонь тонафниенди. Уже ладяфт подводящяй коммуникациятне: отоплениясь, освещениясь, канализациясь. Курок тонафнихнень васьфтьсазь валда оцю классне, актовай и спортивнай залхне, столовайсь. Сувафтомс объекть эксплуатацияс арьсеви тя кизоть.
Покодематне мольфтевихть «Образование» нацпроектть потмоса «Современная школа» региональнай проектть эряфс ётафтоманц видеса.