Сергей Емельянов азозе, што 2022 кизоть ушетксста Александринскяй театрать эгиданц ала пуроптф Россиянь Национальнай театратнень Ассоциациясна, коза сувась и Мокшэрзянь национальнай драматическяй театрась, арамок сембе мероприятиянь активнай участникокс.
3 февральста сявомок 5 февральти молемс И.Д.Воронинонь лемса краеведческяй музейса ётафтови 2023 кизоня «Национальная театральная школа» Всероссийскяй просветительскяй проектть васенце образовательнай резиденцияц. Проектсь ётафтови эряфс «Александринский» Благотворительнай фондть мархта Россиянь Культурань министерствать и Культурнай инициативань Президентскяй фондть ширень кирдемаснон вельде.
Сергей Емельянов спасибась Мордовиянь Оцюняти ширень кирдеманкса, кона максовсь мероприятиять ётафтомста. «Важна, што минь старандатама фатямс странань сяда лама субъект «Национальная театральная школа» проектть эса. Региоттнень эзда коллеганьке пшкядсть эняльдема мархта ётафтомс эсь лацонь интенсив», - азозе сон.
Колма шинь интенсивсь пуроптсь марс Мордовиянь культурань и искусствань 40 лама деятель. Преподавательск выступандайхть странань ведущай эксперттне Санкт-Петербургскяй государственнай университетста и Сценическяй искусствань Российскяй государственнай институтста. Эрьсь участникнень эзда получай аф аньцек оцю опыт, но и аттестациять итогонзон коряс — СПбГУ-ть эзда квалификациять касфнеманц колга свидетельства.
Артём Здунов и Сергей Емельянов корхтасть стане жа Мордовияса Александринскяй театрать шинзон ётафтомаснон колга, конань пингста республиказонк гастроль мархта сайхть главнай постановкатне, а стане жа ётафтовихть актёрскяй мастер-класст, режиссёрхнень и искусствань деятельхнень мархта васедемат.
Васедемати итогонь тиемста ширетне азсть мяль, штоба васенце аськолкссь, кона тиф Мордовиять и Александринскяй театрать мархта, араль кувака и плодотворнай сотрудничендамань ушетксокс.
Мордовия Республикань Оцюнять пресс-службац