Креативнай индустриятне – социально-экономическяй и социокультурнай мекольце кизотнень трендсна. «Креативнай индустриятне – тя ся, мезть мархта минь карматама эряма, мезть мархта кармайхть эряма минь шабаньке, уноконьке, уноконь уноконьке, - мярьгсь Артём Здунов. – Промышленностьса роботизациясь, искусственнай интеллектсь вятихть экономикаста ломанть лихтеманц, но и синьге эрявихть креативнай индустрияса. Мельгаст минь вандыень шиньке!» Светлана Чупшева мярьгсь, што Мордовиясь, пяк козя киндинге аф ункстави культурнай козяшиса и оцю творческяй потенциалса, анок лихтемс креативнай экономикать од тёкшс и ламонь крда касфтомс сонь путфксонц региональнай бюжету.
«Тячи креативнай индустриясь мастороньконь экономикаса заняй пяк ёмла васта - сембоц 3,5% ВВП. Аньцек инголенк ащи амбициознай вешфкс, кона путф Президентть мархта: касфтомс кафтонь крда азф цифрать. Кепотьксонди: мировой лидерхнень ёткса тя секторсь саты 10% и сяда лама. И тяка пингть креативнай экономикать касомац абонфты - 20-25% кизоти, мезсь ламода ётасыне традиционнай няфтевоматнень. Няеви аськолксокс тя кизефксса арась «О развитии креативных индустрий» Федеральнай законтть примамац мельгя, кона сявсь вий кизоть ушетксса. Тя документсь аф максы секторти виде арьсеф, но и кирьдсы правовой основать системанц федеральнай и региональнай уровняса. АСИ-сь эрязста примай участия индустриянь эрь отрасльти кинь коряс картань анокламаса. Минь вешфксоньке – мумс касомань ся путькнень отрасльса карань-каршек ащи марстонь механизматнень видеса. Виде азомс, што направлениятнень юрса – катк ся кинось, печатлаф продукциясь, анимациясь, архитектурась или дизайнась – шачихть инь мялень салай и перспективнай проекттне», - мярьгсь сон.
Мордовияса вятеви системнай покодемась и мольфтеви системнай тевсь креативнай индустриять виияфтомаса, сувафтомок креативнай индустрияв тев, кона кочкай эсезонза образовательнай центратнень специализированнай иласнон ётафтомаснон, образователнай центратнень анокламаснон, специализированнай илатнень ётафтомасна и тя секторса предпринимательхненди комплекснай лезксонь максомаса. Субъектса пяк лац няфтезе прянц «Витрина креативных индустрий» - специализированнай площадкась креативнай бизнесса покодихнень услугаснон и товарснон презентациясь, а нинге креативнай индустриять касомань коряс Агентствать няфтевомац. Мяляфтови тяштьксокс инфраструктурань объектса арась Саранскяйса «Завод 1901» креативнай кластерсь, конань площадкаса фалу ётафневихть выставочнай илат, образовательнай лекцият и практическяй семинархт творческяй индустрияса профессианалхнень ёткса.
2024-це кизоня Мордовиясь сувась «Кино России» проектти: АСИ-ть площадкаса ульсь сёрматф эрявикс кагод Республикать, кинонь продюсерхнень Ассоциациять и телевидениять марстонь сотксснон ёткса. Мордовияса арьсеф региональнай и кочкаф региональнай кинокомиссия, кона кочкай республикать эса шнама-няфтема материал киноиндустрияса и лезды снимандама процессненди.
«Пяк эряви кочкамс тевонь содай проектнай команда креативнай индустриять виияманц коряс и топафтомс сонь эряфонц тевонь содаф системнай покодемаса. Креативнай экономикась максы теенк од ванфса шарфтомс мяль коеньконь лангс, аф ламода полафтомок синь юрста ушедозь. Тяни республикаса покодихть кафта Школат Креативнай Индустриянь коряс – художественнай и музыкальнай училищатнень базаса. Васенцеса арьсеф этно-модань дизайнань коряс Лаборатория. Уже сентябрьста панжеви колмоце школась Ардатоваса. Тячи аш кода няфтемс и няемс отрасльть вииямац тяниень пингонь простанствафтома, конат саласазь од ломаттнень мяльснон и творческяй ширде асу ломаттнень», - мярьгсь Мордовия Республикаса культурань, национальнай политикань и архивнай тефнень коряс министрсь Светлана Баулина.
Тячи креативнай индустриятне виияйхть ламоц направленияса. «Варма» этно-арт-театрать колга азондсь Татьяна Сидоркина директорсь.
Саранскяйть шнаманц колга кода процесснай аналитикань столицать азондсь «Инфомаксимум» ООО-ть генеральнай директороц Александр Бочкин.
Бизнесса национальнай компонентть нолдаманц колга азондсть предпринимательхне Артур Салякаев и Александр Ширяев.
Президентскяй фондть культурнай инициативатнень региональнай проектть тевс нолдаманц колга пачфтсь куля офисса отделть полафтыец Ксения Вотякова.
Мордовия Республикань Правительствать и Администрациянь руководительть полафтыец Елена Семелева азондсь сянь колга, кода вятеви покодемась культурать и кяльть ванфтомаснон коряс кинематографть вельде. «Мордовияти тя од направления - - минь ушедоськ сонь касфтомонза 2024-це кизонь июль ковста, - мярьгсь сон. – Мордовиясь - инь мала федеральнай центрати национальнай республикась, сембоц минь 22 муниципальнай райононьке, сембе синь ванфтыхть эсь культураснонг эса. Минь ванфтсаськ и шарьхкодьсаськ, што тя минь питненьке и сон эряви виде форматса пачфтемс од ломаттненди. Тя кизоть минь ётафтоме кинолаборатория – сон ульсь пяк мялень салай од ломаттнень эряфса. Карматама вятема и сяда тов тя тевть».
Мордовия Республикань Оцюнять Пресс-службац