Артём Здунов мярьгсь: Турецкяй Республикась – Мордовия Республикань мишендема коряс партнерхнень ёткса фкя инь виись и регионць яви мяль мишендемань и экономикань марстонь ширде тефнень и сяда тов виияфтомаснон-келептемаснон эса. 2024 кизоня Мордовиять и Турецкяй Республикать ёткса мишендемань оборотсь кармась 11 млн. США-нь доллархт.
Васедемать пингста ванфт Турецкяй Республикав светотехническяй, резинотехническяй, кабельно-проводниковай продукциянь, строямань материалхнень, ярхцамбялень промышленностень тифнень пачфтевомаснон коряс кизефксне. Презентация мархта анасть вал Мордовиянь Минсельхозонь руководительсь Сергей Канаев, «Лато», «Плайтерра», «Сарансккабель», «ТКМ» республикань предприятиятнень руководительхне.
Артём Здунов тердезень Турциянь коллегатнень самс республикав бизнес-миссия мархта и тиемс сяда крхткаста содавиксокс регионца мишендемань потенциальнай партнерхнень мархта.
Мордовиясь тяфта жа кармай аноклама делегация Турцияв. «Минь вийньке козя сяда тов марстонь соткснень касфтовомаса», – мярьгсь Республикань Оцюнясь.
Мордовиянь сембе промышленнай линиясь мала пингть ули няфтьф Турциянь ширети Турция-Россия деловой советонь площадкаса.
Мордовия Республикань Оцюнять Пресс-службац