Республикань насексоц арась 783 552 ломань: 63,3 процентсна — ошеряйхть, 36,7 процентсна — велеряйхть. Населениять лувксоц кассь Саранск ошень округса. Кода и марнек странать эзга велеряйхне ётнихть эряма ошу.
Мордовияса, кода и целайнек Россиять эзга, авада сяда лама алятнень коряс: республикаса эрь 1000 алять лангс сашендови 1158 ава. Региононь эряйхнень средняй кизосна — 43,2.
Кода содавсь переписть пингста, Мордовияса эряй 90 национальность. Ётксост 400 тёжяньда лама рузда, пцтай 291 тёжянь — мокшэрзя, пцтай 40 тёжянь — татар.
Россияса эряй пцтай 485 тёжянь мокшэрзя, 60 процентсна конатнень — тя республикань эряйхть. Мокшэрзятнень лувксснон коряс странань региоттнень ёткса васенце васттнень эса ащихть Самарскяй, Пензенскяй, Ульяновскяй, Оренбургскяй и Московскяй областтне, а стане жа Татарстанць и Башкортостанць. Населениять лувксонц коряс мокшэрзятне ащихть кемготувоце вастса Россиянь нароттнень ёткса и васенцетне радня угро-финскяй нароттнень ёткса.
2020 кизонь Населениянь Всероссийскяй переписсь няфтезе, што населениять пцтай 46 процентонцты доходонь фкя и сяка источниксь — заработнай платась. Касонды и алятнень, и аватнень образованностьснон уровенец. Мордовияса наукань пцтай 2,5 тёжянь кандидат и наукань 354 доктор.
2021 кизоня республикаса лувфоль 347 тёжяньда лама частнай домохозяйства, коса эрясь пцтай 775 тёжянь ломань. 2010 кизонь Населениянь Всероссийскяй переписть коряс республикаса домохозяйствань члеттнень средняй лувкссна кирсь, пцтай случайхнень пцтай 65 процентсост домохозяйстваса эряйхть фкя-кафта ломань.
Переписнень ёткса кемонь кемонь кизоста 12,2 процентта кирсь ломаттнень лувкссна, конат вестевек апак рьвяяфтольхть апак листельхть рьвакс, 26,2 процентта кассь явфнень лувкссна.
«Получаф даннайхне уникальнайхть, сяс мес населениять переписец — тя фкя и сяка способсь получамс видексонь информация населениять лувксонц, национальнай составонц, кяльхнень, ломаттнень образованияснон, трудовой ресурснень миграцияснон. Тя информациять мяльс сявозь маластонь кемонь кизотнень госоргаттне кармайхть арьсекшнемост сембе уровенень бюджеттнень, сувафнема тевс социальнай проектт», - китькстазе Ия Парамонова.
Мордовиянь Оцюнясь шарфтсь башка мяль кой-кона ширетненди, конатнень ёткса сядонга важнайхть демографиясь и трудовой ресурсне.
«Эряви сембе ширде ваномс-арьсемс переписень даннайхнень ся ширетнень коряс, конат лиятнень коряс сяда пичефтихть: тя трудоспособнай населениять лувксоц и регионть экономическяй эряфонцты водендамац, а стане жа ся аспекттне, конатнень эзда ащи шачихнень лувкссна. Тейнек эряви тиемс сравнения лия региоттнень показательснон мархта, конат шарфтыхть миннетнень лангс, сявомс кепотьксонди — инь цебярь практикатнень прябалатнень решандаманкса», - мярьгсь Артём Здунов.
Мордовия Республикань Оцюнять пресс-службац