Тяни учреждениясь примси сядода лама субъектонь централизованнай учет –тя Федеральнай налоговай службань территориальнай оргаттне, Федеральнай таможеннай службань и МР-нь государственнай казеннай учреждениятне.
Бухгалтерскяй обслуживаниянь Центрась Саранскяйса – странаса колма компетенциянь центратнень эзда фкясь, конанцты максфт Федеральнай налоговай службань территориальнай органонь полномочиятне, заработнай пандомать и лувомать коряс Федеральнай таможеннай службань, а тяфта жа автономнай и бюджетнай учреждениятнень технологическяй интеграциянь вятемаснон коряс.
Артём Здунов китькстазе, што бухгалтерскяй обслуживаниянь Центрась лац покоди – региоц эрязста виензафнесы тя направлениять, ладяф четкай взаимодействия федеральнай структуратнень мархта.
Башка ванф ульсь максф квалифицированнай кадраса Центрать пяшкодеманцты. Тяни тяса покоди 200 ломань малава, синь ётксост аньцек ушеткшни специалистт - республикань тонафнемань заведениянь выпускникт. Августть эзда саранскяень центрати обслуживанияс ётнихть нинге кефкие ФНС-нь подразделеният.
Артём Здунов китькстазе, Мордовиянь эряйхненди центрать покодеманц келептемац – тя васендакиге, од квалифицированнай и лац пандови покодема вастт, синь ётксост - возможность варжамс эсь вийснон и сятненди, кие тяда инголе ашезь уль сотф финансово-кредитнай сферать мархта – Центраса ули кода ётамс одукс тонафнема.
Васедемаса примась участия Мордовиянь Правительствать Председателенц Васенце полафтыец Наталья Таркаева.
Мордовия Республикань Оцюнять пресс-службац