Тя тялонь пингть ошса кармай кочкаф 22 каток, синь ётксост Тысячелетиянь площадьса.
Артём Здунов китькстазе, што эряви арьсемс мялень салай программа инь оцю площадкатнень посетительснон лемс (Мордовия Аренаса и Тысячелетиянь площадьса).
«Вайма шитнень график коряс эряви путомс анимациянь группань или фигуристонь выступленият. Ваность лия ошнень опытснон – тяфтама группатне покодихть 10-15 минутань, цебярь эффектсь пяк оцю, - китькстазе Мордовиянь Оцюнясь. – Сембе катокнень эса улеза кода сайхненди мезе-мезе сивомс, симомс пси чайда или кофияда».
Саранск ошень Администрациять мархта ульсь примаф решения колма питнефтома муниципальнай инвентарень прокатонь пункттнень покодемаснон колга – Коваленко и Гожувскяй ульцятнень эса площадтнень и Тысячелетиянь площадть лангса.
Корхтамась тяфта жа мольсь Мордовияса сетьме массовай тялонь ваймамань вастонь единай сайтть колга. Ётай кизоть тяфтама портал ульсь, эсонза макссевсь катокнень, лыжнай трассатнень, санкционированнай пандтнень и лия активносттнень, синь покодемань форматснон колга информациясь. Тяни одкстопневихть даннайхне тя сезонтть лангс.
Мордовиянь Оцюнясь путсь тя покодемать пяшкодеманцты пинге: «Сай ёткшити сембе информациясь сайтса должен улемс одкстоптф, максф республикань эряйхненди цебярьста и шарьхкодевиста».
Мордовия Республикань Оцюнять пресс-службац