Мордовиясь келиста отмечазе государственнай праздникть – Россиянь шить. Праздничнай мероприятиятнень эса марнек республикаса примась участия 10 тежяньда лама ломань.
Койс коре, праздниконь главнай площадкакс арась Советскяй площадсь. Шиньберьф 12 июньцта тяса ашесть лотксе илань акциятне, самодеятельнай и профессиональнай артисттнень выступлениясна.
Илась аделавсь илядень концертнай программать мархта, коза пуромкшнесь, МВД-ть даннаензон коряс, 22 тежяньда лама ломань.
Тяда меле Советскяй площадть вельхксста менельса сязевсь аф фкя тюсса салютсь.