Тячи Мордовияса мольфтеви оцю работа «О национальных целях и стратегических задачах развития Российской Федерации на период до 2024 года» Россиянь Президентть Владимир Путинонь майскяй указонц эряфс етафнеманц коряс.
11 февральста Мордовиянь Правительствать заседаниянц пингста премьер-министрсь Владимир Сушков азозе фкя инь васенце задачакс министронь кабинетти национальнай проекттнень региональнай пяльксснон эряфс етафтоманкса федеральнай центрать мархта соглашениянь кемокстамать. Кота кизонь потмоса Мордовияса строявихть здравоохранениянь, образованиянь и культурань од объектт, вайгяльбет цебярь качествань кит, мезсь вяти республикань эряйхнень эряфснон цебярьгофнеманцты.
Стане жа заседанияса ванфтольхть кизонь пингть шабатнень ваймосемаснон мархта сотф кизефксне. Мордовиянь Образованиянь министерствать сайтсонза лихтевихть сембе учреждениятне, конат заняфт республикасонк шабатнень ваймосемаснон пуроптоманц мархта.
Корхтафоль кеме коммунальнай ляткснень мархта работамать коряс региональнай операторть работанц колга.
Правительствать Председателец спасибась Алексей Меркушкинонди, кона 2012 кизоста сявомок вятезе Целевой программань министерствать, 2018 кизонь футболть коряс Миронь чемпионатти анокламати и етафтоманцты оцю путксонкса. Владимир Сушков представляндазе Правительствань члеттненди Мордовиянь спортонь, од ломанень политикань и туризмань министрть Александр Савиловонь.