4-це июньста панжемань иласа примась участия Мордовия Республикань Оцюнясь Артём Здунов. «Адаптивнай спортсь теенк пяк эряви – тя темати оцю мяль шарфты Президентоньке. Инфраструктурать сембе ширде сатовомац, секциятне – тя инь эрявись. Эряви марса сатомс оцю вешфкст, - мярьгсь республикань руководительсь. – Виде, теенк пяк эряви героеньконь специальнай военнай операциянь участникнень реабилитациясна, сембонь, кие повсь стака пингс, кинь улихть башка ширенза. Минь эрятама марса и лезттама фкя-фкянди – тячиень соревнованиятне тянди арасть примеркс. Арьсян спортсметтненди сяськома. И аньцек инголи!»
ЛИН спортть Федерациянь гендиректорсь, Россиянь сборнай командань тренерсь, «Виртус-Европа» вице-президентсь Татьяна Ольховая мярьгсь, што минь аф юкстасаськ сятнень, кие тюрсь минь мани эряфоньконь инкса 40-це кизотнень. Сон тяфта жа лятфтазень Федерациянь члеттнень, конат араласть и аралайть СВО-нь зонаса. «Тя Игорь Макеев – Мордовия Республикаса шачф-касфсь, казьф Орден мужестваса куломда меля. Александр Работницкий – минь спортсменоньке, сиянь призерсь Паралимпийскяй налхкомаса, конат ульсть ётафтф Токиоса, казьф медальса «За заслуги перед Отечеством» I степени. Тя праздниксь минь цёраньконди и сире щятяньконди, конат макссть теенк эрямс мани менель и мастороньконь перьпяленц. Арьсян сембонди сяськома – и васедакиге сяськомс эсь сталмотнень».
Состязаниянь участникненди пшкядсь СВО-нь ветеранць Александр Кузин: «Цёрат, эрьть эздонт эсь киц ётаф и сяськф сталма мархта. Эрьть эздонт сонцень ваймоц, ёжец, мялец, а синь лездыхть сатомс оцю текшт, малатфтомс сяськомать. Мяляфтость – тинь Сяськиень уноктада, тинь – геройхтяда. И аньцек тинь – сембонди эрьгянь няфтихтяда: и оцюфненди тожа!»
Соревновательнай программась аноклаф колма видонь спортт корява – легкай атлетика, настольнай теннисса и ведьса уемаса - кармай молема кафта шит. 5-це июньцта мольфтеви казема и турнирть сёлгомац.
Мордовия Республикань Оцюнять Пресс-службац