Россиянь Президентсь Владимир Путин форому пуромфненди кучсь шумбракстомань валхт. «Сяда кизоньберьф минь лама народонь мастороньке ульсь панчф исламскяй мирть мархта пара сотксонь кирдеманкса. И тячивок, аф ваномок международнай сюлмонь соткснень кемокстомаса кой-кодама сталмотнень лангс, минь мольхтяма сяда тов инголи, келепттяма экономическяй, научнай, тонафнемань, гуманитарнай и межрегиональнай соткснень.
Форумть покодема пингста теенть сави ваномс и шарфтомс мяль сяда тов соткснень кемокставомаснон аф фкя лацонь областтнень эса, ся лувксненди кандовихть и технологическяйхне. Цифровой финансовай системать виияфтоманц коряс марстонь покодемаса ули ётафтф «Россия – Исламский мир» стратегическяй няемань группань пуромкссь, тоса кармайхть улема Исламонь масторста марстонь тиф тевонь коряс представительхне.
Тядде минь ётафттама илат Сяськома Шить 80 кизонь топодевомати. Тя илати пшкядемась муй эрявикс васта форумть деловой и культурнай программаса. Теенк эряви ванфтомс лятфнематне историянь урокнень коряс, нацизмать, расизмать, колониализмать каршес тюремста, сире атяньконь-бабаньконь виишиснон и кемошиснон ванфтомаснон инкса. Тячиень шить аньцек марса сатови мировой сообществать инголи моли касомац, ащемс виде мяльхть тяниень пингонь таколфты тяфтама тефнень каршес, кода терроризмась, экстремизмась, локальнай аф ладямань эскалациясь», – корхтави пшкядемаса.
Мордовия Республикать ширде форумса покодихть властень оргаттне, промышленностень и АПК-нь представительхне, башка предпринимательхне.
Мордовия Республикань Оцюнять Пресс-службац