Мекольце колма кизотнень тиф оцю работа производствань касфтомать коряс Мордовияса уликс пивовареннай мощносттнень и солодовеннай заводтнень эса. Регионса тиф целай производственнай кластер, конац кочказень эсь эзонза инь цебярь качествань ячменень касфтомать масторонь инь цебярь технологиятнень коряс, солодонь переработкать и нолдамать, а тяфта жа сонь сяда товолдонь тевс нолдаманц пивовареннай паршиень тиемста.
Мордовиянь сельхозпроизводительхне эрь кизоня касфнесазь пивовареннай ячменень площадтть компаниянь нужанди. 2022 кизоня АО «АБ ИнБев Эфес» ушедозе одукс Рузаевскяй стекольнай заводтть мархта покодеманц. Партнерскяй сотксне вииякшнихть и тяни.
«Минь интерезсонок, штоба Саранск ошса филиалсь покодель стабильна, производствань объемонь касфтомась, покодема вастонь ванфтомась. Тя сотф и региональнай бюджетть соньцень доходонзон мархта, и экономическяй потенциалть касфтоманц-виияфтоманц, - китькстазе Артем Здунов. - Саранскяень пивовареннай заводсь – инь оцю налогонь пандыхнень эзда фкясь регионса, сон сувафтф региональнай системообразующай организациятнень лувксс. Республикань Правительствась кармай сяда тов сотрудничендама».
Васедемаса примасть участия вице-премьерсь Наталья Таркаева, Мордовиянь велень хозяйствань и продовольствиянь министрсь Антон Илюшкин и РМ экономикань, мишендемань и предпринимательствань министрть и.о.-ц Иван Горин.
Мордовия Республикань Оцюнять пресс-службац