6 июльста ВДНХ-са ётась «Россия» выставка-форумть покодемань итогонзон коряс торжественнай церемониясь. Сонь эсонза примась участия Мордовиянь Оцюнясь Артём Здунов.
«Россия» выставка-форумть оргкомитетонц председателец Сергей Кириенко азондсь сонь покодеманц итогонзон колга. Сон китькстазе, што «Россия» выставкась сувась планетань кемонь инь ванондови васттнень ёткс. 96 % сонь посетителензон эзда мярьгсть, што содасть эсь регионцнон, странаснон колга мезе-бди од, а 99 % - марясть кенярдема сянкса, мес синь россиянитт.
Сергей Кириенко китькстазе Мордовиять и сембе региоттнень пуфксснон выставка-форумть ётафтомста. Сембе республикать и Мордовиянь командать казезь ётафтф покодемаснон инкса.
Аф лама статистика: Мордовия Республикать стенденц ванозь 571 175 ломань, тяса ётась 130 оцю мероприятия - культурнайхть, од ломанень, образовательнайхть, деловойхть и спортивнайхть, а тяфта жа 200 лама розыгрыш пинти казне мархта.
«Оцю сюкпря минь Президентоньконди идеять и проектть кирдеманц инкса, Наталья Виртуозовати, выставкать сембе команданцты – тиф покодемать инкса. Коллегат, сюкпря эрьти участиянкса, марстонь тевнеконьди путфксонкса. И мяляфтсаськ – тя аньцек ушеткссь!» - сюконясь эсь Телеграм-каналсонза Артём Здунов.
Мордовия Республикань Оцюнять пресс-службац