Ванф пшкядематнень ёткста фкясь ульсь Мордовияста. Большеигнатовскяй райононь Старые Селищи велень эряйсь Галина Сеняйкина няжедсь пшкядема мархта РФ Президентть приемнайс энялькс мархта машинань кить Чукалы велеста Старые Селищи вели молемс петеманц коряс.
Мордовия Республикань Оцюнясь Артём Здунов азозе, што капитальнай ремонт машина кинь трассати 5 вайгяльбень кувалмоса Игнатоваста сявомок Атяшевать пачк Сире Селищав кармай ётафтф-петьф «Инфраструктура для жизни» нацпроектть вельде. Тя участкаса подрядчиксь келептьсы и кемокстасы кинь полотнать, одкстомптсы асфальтть, полафтсыне 11 ведень нолдама трубатнень, лац-ряц тисыне барьернай перяфкснень, пешеходнай тротуархнень и ушень освещениять, путсыне кинь няфти тяштькснень и рисавасы кинь явамать. Сире Селища велеть маласа арьсеф тиемс машинанди шарома васта. Ремонтть ётафтомста транспортти ули аноклаф шарома ки. Тефнень шумордамасна арьсеф петемс декабрь ковти.
Полпредсь региононь вятити макссь тев виде мяльхть ваномс тифть мельгя и аф удомс петемань срокнень.
Эсьотям корхтамста ульсть ванфт Кировскяй, Самарскяй и Саратовскяй областьса эряйхнень пшкядемасна. Ванф мяльхнень тиевомасна сявфт должностной вастонь кирдихнень мяльс и регионца федеральнай инспекторхнень оцюснон кядьс.
Мордовия Республикань Оцюнять Пресс-службац